തിരുവനന്തപുരം: സംസ്ഥാനത്ത് മഴക്കെടുതി രൂക്ഷമായ സാഹചര്യത്തില് മന്ത്രിമാരുമായും ജില്ലാ കലക്ടര്മാരുമായും സാഹചര്യം വിലയിരുത്തി അടിയന്തര നിര്ദ്ദേശം നല്കി മുഖ്യമന്ത്രി വി ഡി സതീശന്. ഏത് അടിയന്തര സാഹചര്യവും നേരിടാന് തയാറാകണമെന്നാണ് മുഖ്യമന്ത്രിയുടെ നിര്ദ്ദേശം. ജില്ലകളുടെ ചുമതലയുള്ള മന്ത്രിമാരോട് അതത് ജില്ലകളില് ക്യാംപുചെയ്ത് ദുരിതാശ്വാസപ്രവര്ത്തനങ്ങള് ഏകോപിപ്പിക്കാന് മുഖ്യമന്ത്രി നിര്ദേശിച്ചു. പ്രത്യേകിച്ചും ഇടുക്കി, പത്തനംതിട്ട, കോട്ടയം ജില്ലകളില് ഏത് അടിയന്തര സാഹചര്യവും നേരിടാന് സജ്ജരായിരിക്കാന് കലക്ടര്മാരോട് മുഖ്യമന്ത്രി നിര്ദ്ദേശിച്ചിട്ടുണ്ട്.