തിരുവനന്തപുരം: പ്രതിപക്ഷ ഉപനേതാവ് സ്ഥാനം സംബന്ധിച്ച് പരസ്യ പ്രതികരണം വേണ്ടെന്ന് സിപിഎം നേതാക്കള്ക്ക് നിര്ദേശം. സിപിഐയെ കൂടുതല് പ്രകോപിപ്പിക്കേണ്ടതില്ലെന്നാണ് സിപിഎം തീരുമാനം. പ്രതിപക്ഷ നേതാവ് പിണറായി വിജയനെതിരായ സിപിഐ സംസ്ഥാന സെക്രട്ടറി ബിനോയ് വിശ്വത്തിന്റെ പ്രതികരണത്തില് മറുപടി പറയേണ്ടതില്ലെന്നാണ് സിപിഎമ്മിന്റെ തീരുമാനം. ബിനോയ് വിശ്വത്തിന്റെ പ്രതികരണത്തില് സിപിഎമ്മിന് അതൃപ്തിയുണ്ട്. എന്നാല് പാര്ട്ടി മറുപടി പറയേണ്ടതില്ലെന്നും എന്തെങ്കിലും പറയാനുണ്ടെങ്കില് പിണറായി വിജയന് തന്നെ മറുപടി പറയട്ടെയെന്നുമാണ് സിപിഎം നിലപാട്. അനുനയ നീക്കത്തിലേക്കും സിപിഎം കടക്കില്ല. വിഷയം അടുത്ത സിപിഎം സെക്രട്ടേറിയറ്റ് ചര്ച്ച ചെയ്യും. ഓണക്കാലമായതിനാല് ചൊവ്വാഴ്ചത്തെ പതിവ് സെക്രട്ടറിയറ്റ് നാളെ ഉണ്ടാവില്ല. പ്രശ്ന പരിഹാരത്തിന് സമയമുണ്ടെന്നാണ് വിലയിരുത്തല്.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ