നായൻമാർമൂല: നായൻമാർമൂല ഫ്രണ്ട്സ് പ്രീമിയർ ലീഗ് 2023 ടീം തൗസഫിയുടെ ജേഴ്സി പ്രകാശനം കാസറഗോഡ് ജില്ലാ പോലീസ് മേധാവി വൈഭവ് സക്സേന ടീം ക്യാപ്റ്റൻ ഹാരിസ് എൻ എമ്മിന് നൽകിക്കൊണ്ട് നിർവഹിച്ചു. യുവ വ്യവസായികളായ പിബി തൗസീഫ്, പിബി ഷഫീഖ് എന്നിവരുടെ പേരുകൾ യോജിപ്പിച്ചു കൊണ്ടുണ്ടാക്കിയ ടീം തൗസഫിക്ക് അദ്ദേഹം വിജയാശംസകൾ നേർന്നു. ചടങ്ങിൽ ടീം ഓണർ തൗസീഫ്, തംഷീർ പി.ബി, യാസർ ഓറഞ്ച്, ടീം മാനേജർ ഇംതിയാസ് മൂപ്പൻ എന്നിവർ സംബന്ധിച്ചു. ടീം തൗസഫിക്ക് വിജയാശംസകൾ നേർന്ന കേരള തുറമുഖ വകുപ്പ് മന്ത്രി അഹമ്മദ് ദേവർകോവിൽ, ജില്ല പഞ്ചായത്ത് പ്രസിഡന്റ് ബേബി ബാലകൃഷ്ണൻ, പ്രമുഖ യൂട്യൂബർ മുനീർ ഫ്ലാഷ്, മറ്റു വിശിഷ്ഠ വ്യക്തികളോടും ടീം ഉടമകളായ തൗസീഫ് പി.ബി, ഷഫീഖ് പി.ബി എന്നിവർ നന്ദി അറിയിച്ചു.