trend news 24

ന്യൂ ഡൽഹി: രാജ്യത്ത് വാണിജ്യ പാചകവാതക വില വർധിപ്പിച്ചതിന് പിന്നാലെ പെട്രോൾ, ഡീസൽ വിലയും ഉയർത്താനുള്ള നീക്കങ്ങൾ കേന്ദ്ര സർക്കാർ തലത്തിൽ സജീവമാകുന്നു. ഇന്ധനവില വർധിപ്പിക്കണമെന്ന ആവശ്യവുമായി പൊതുമേഖലാ എണ്ണക്കമ്പനികൾ കേന്ദ്ര സർക്കാരിന് മേൽ സമ്മർദം ശക്തമാക്കിയിരിക്കുകയാണ്. നിലവിലെ വില നിലവാരത്തിൽ ബിസിനസ് മുന്നോട്ട് കൊണ്ടുപോകാൻ സാധിക്കില്ലെന്നും എണ്ണക്കമ്പനികൾ സർക്കാരിനെ അറിയിച്ചു കഴിഞ്ഞു. ഇതുസംബന്ധിച്ച അന്തിമ തീരുമാനം ഒരാഴ്ചയ്ക്കകം ഉണ്ടായേക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.

  തിരുവനന്തപുരം: വാല്‍പ്പാറ അപകടത്തില്‍ മരിച്ചവരുടെ കുടുംബങ്ങള്‍ക്ക് സഹായധനം അനുവദിച്ച് സംസ്ഥാന സര്‍ക്കാര്‍. ഇന്‍ഷുറന്‍സ് പരിരക്ഷയില്ലാത്ത അഞ്ചുപേരുടെ കുടുംബാംഗങ്ങള്‍ക്ക് പത്ത് ലക്ഷം രൂപ നല്‍കുമെന്നും മറ്റു അധ്യാപകര്‍ക്ക് ഇന്‍ഷുറന്‍സ് പരിരക്ഷയുണ്ടെന്നും സര്‍ക്കാര്‍ അറിയിച്ചു. മന്ത്രിസഭാ യോഗത്തിലായിരുന്നു തീരുമാനം. മരണപ്പെട്ട സ്‌കൂള്‍ ബസ് ഡ്രൈവര്‍ നൗഷാദ് അലി, പാചകത്തൊഴിലാളി സാജിദ, റുഖിയ, ഷക്കീല, വിദ്യാര്‍ഥിയായ മുഹമ്മദ് ഹിഷാം എന്നിവരുടെ ബന്ധുകള്‍ക്കാണ് മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് പത്ത് ലക്ഷം രൂപ അനുവദിക്കുക.

  തിരുവനന്തപുരം: തിങ്കളാഴ്ച നടക്കുന്ന നിയമസഭാ തിരഞ്ഞെടുപ്പിന്റെ വോട്ടെണ്ണലിനുള്ള എല്ലാ ക്രമീകരണങ്ങളും പൂര്‍ത്തിയായതായി തിരഞ്ഞെടുപ്പ് കമ്മീഷന്‍. ഫലമറിയാന്‍ രണ്ടുദിവസം മാത്രം ബാക്കി നില്‍ക്കെ വോട്ടെണ്ണലിലുള്ള എല്ലാ സുരക്ഷാ സംവിധാനങ്ങളും സജ്ജമെന്ന് ഡിജിപി റവാഡ ചന്ദ്രശേഖര്‍. 25 ബാച്ച് കേന്ദ്രസേന വോട്ടെണ്ണലിന് സുരക്ഷാസംവിധാനങ്ങള്‍ ഒരുക്കും. മുന്‍കരുതല്‍ അറസ്റ്റുകളും ആരംഭിച്ചു. കണ്ണൂര്‍ പയ്യന്നൂര്‍ ഉള്‍പ്പെടേയുള്ള പ്രദേശങ്ങളില്‍ പ്രത്യേക ജാഗ്രതയോടു കൂടി പ്രവര്‍ത്തിക്കും. വോട്ടെണ്ണല്‍ സുഗമമായി നടത്താന്‍ എല്ലാം സജ്ജമെന്നും ഡിജിപി റവാഡ ചന്ദ്രശേഖര്‍ പറഞ്ഞു.

  ന്യൂഡല്‍ഹി: പശ്ചിമേഷ്യയിലെ യുദ്ധ സംഘര്‍ഷങ്ങളുടെ പശ്ചാത്തലത്തില്‍ രാജ്യത്ത് പാചകവാതക പ്രതിസന്ധി രൂക്ഷമാകുന്നു. വാണിജ്യ ഉപയോഗത്തിന് പുറമെ ഗാര്‍ഹിക പാചകവാതകത്തിനും ക്ഷാമം ഉയരുന്നതായി റിപോര്‍ട്ടുകള്‍. അടുത്ത ഒരാഴ്ചയ്ക്കുള്ളില്‍ പാചകവാതക വിലയില്‍ വലിയ വര്‍ധനവിന് സാധ്യതയുണ്ടെന്നാണ് സൂചന. ഗാര്‍ഹിക എല്‍പിജി സിലിണ്ടറിന് 40 മുതല്‍ 50 രൂപ വരെ വര്‍ധന വരാനിടയുണ്ടെന്നാണ് വിലയിരുത്തല്‍. അതോടൊപ്പം പെട്രോള്‍, ഡീസല്‍ വിലകളും ഗണ്യമായി ഉയരും. അന്താരാഷ്ട്ര വിപണിയില്‍ ക്രൂഡ് ഓയില്‍ വില ഉയര്‍ന്നതാണ് എണ്ണക്കമ്പനികളെ നിരക്ക് കൂട്ടാന്‍ പ്രേരിപ്പിക്കുന്നത്. തിരഞ്ഞെടുപ്പ് കാലത്ത് വില വര്‍ധന ഒഴിവാക്കിയ കമ്പനികള്‍ക്ക് ആ കാലയളവില്‍ വലിയ സാമ്പത്തിക ബാധ്യത നേരിട്ടിരുന്നു. അത് പരിഹരിക്കാനായി ഇപ്പോള്‍ ഒറ്റയടിക്ക് വില കൂട്ടാനുള്ള നീക്കമാണ് നടക്കുന്നതെന്നാണ് സൂചനകള്‍

  തിരുവനന്തപുരം: സംസ്ഥാനത്ത് വേനല്‍ മഴ ശക്തമാകുമെന്ന് മുന്നറിയിപ്പ്. അടുത്ത മൂന്ന് ദിവസം ശക്തമായ മഴ തുടരുമെന്ന് കേന്ദ്രകാലാവസ്ഥ വകുപ്പ്. ഇടിമിന്നലിനും കാറ്റിനും സാധ്യതയുള്ളതിനാല്‍ എട്ട് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചു. ഇന്ന് ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, കോഴിക്കോട്, വയനാട്, കണ്ണൂര്‍ ജില്ലകളിലാണ് യെല്ലോ അലേര്‍ട്ട്. ഞായറാഴ്ച കൊല്ലം, പത്തനംതിട്ട, ആലപ്പുഴ ജില്ലകളിലും തിങ്കളാഴ്ച ഇടുക്കി, പാലക്കാട്, മലപ്പുറം എന്നീ ജില്ലകളിലുമാണ് യെല്ലോ അലേര്‍ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. കേരളത്തില്‍ ഒറ്റപ്പെട്ടയിടങ്ങളില്‍ ചൊവ്വാഴ്ച വരെ ഇടിമിന്നലോടു കൂടിയ മഴയ്ക്കും മണിക്കൂറില്‍ 40 മുതല്‍ 50 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

  കൊല്‍ക്കത്ത: നിയമസഭാ തെരഞ്ഞെടുപ്പിന്റെ വോട്ടെടുപ്പ് പൂര്‍ത്തിയായ ബംഗാളില്‍ 15 ബൂത്തുകളില്‍ നാളെ റീപോളിങ് നടക്കും. മഗ്രാഹാത് വെസ്റ്റില്‍ 11 ബൂത്തിലും ഡയമണ്ട് ഹാര്‍ബറില്‍ 4 ബൂത്തിലുമാണ് വീണ്ടും വോട്ടെടുപ്പ്. എല്ലാം സൗത്ത് 24 പര്‍ഗാനാസ് ജില്ലയില്‍ വരുന്ന ബൂത്തുകളാണ്. രാവിലെ ഏഴ് മണി മുതല്‍ വൈകീട്ട് ആറ് മണി വരെയാണ് വോട്ടെടുപ്പ്. വോട്ടിങ്ങില്‍ ക്രമക്കേട് നടന്നതായി പരാതി ലഭിച്ചതിന്റെയും ഉദ്യോഗസ്ഥര്‍ നല്‍കിയ റിപ്പോര്‍ട്ടിന്റെയും അടിസ്ഥാനത്തിലാണ് റീപോളിങ് എന്നാണ് വിവരം. മറ്റൊരു മണ്ഡലമായ ഫാല്‍ട്ടയിലെ ബൂത്തുകളില്‍ ഇവിഎം തിരിമറി നടന്നതായി ബിജെപി ആരോപണമുന്നയിച്ചിട്ടുണ്ട്. ഇവിടെ ഒരു ബൂത്തില്‍ വോട്ടിങ് യന്ത്രത്തിലെ ബട്ടണുകളില്‍ സെല്ലോ ടേപ്പുകള്‍ ഉപയോഗിച്ച് കൃത്രിമം കാട്ടിയെന്നായിരുന്നു ആരോപണം. തൃണമൂല്‍ കോണ്‍ഗ്രസിന്റെ ശക്തികേന്ദ്രമാണ് ഇവിടം. ഇവിടെ 30 ബൂത്തുകളില്‍ റീപോളിങ് നടത്തണമെന്നാവശ്യപ്പെട്ട് പരാതി ലഭിച്ചിട്ടുണ്ട്. ഇതില്‍ കമ്മീഷന്‍ ഉടന്‍ തീരുമാനമെടുക്കുമെന്നാണ് റിപ്പോര്‍ട്ടുകള്‍. അതിനിടെ, ബംഗാളിലെ വോട്ടെണ്ണല്‍ കേന്ദ്രങ്ങള്‍ക്ക് മുന്നില്‍ നിരോധനാജ്ഞ പ്രഖ്യാപിച്ചു. സംഘര്‍ഷ സാധ്യത കണക്കിലെടുത്...

തിരുവനന്തപുരം: സംസ്ഥാനത്ത് കടുത്ത ചൂടിന് ആശ്വാസമേകി വേനൽമഴ കനക്കുന്നു. മഴ ശക്തി പ്രാപിച്ച പശ്ചാത്തലത്തിൽ  ഇന്ന് (മേയ് ഒന്ന്) ഏഴ് ജില്ലകളിൽ യെല്ലോ അലർട്ട് പ്രഖ്യാപിച്ചതായി കേന്ദ്ര കാലാവസ്ഥാ വകുപ്പ് അറിയിച്ചു. പത്തനംതിട്ട, കോട്ടയം, ഇടുക്കി, എറണാകുളം, മലപ്പുറം, വയനാട്, കണ്ണൂർ എന്നീ ഏഴ് ജില്ലകളിലാണ് മഞ്ഞ ജാഗ്രത പുറപ്പെടുവിച്ചിരിക്കുന്നത്. നാളെ മേയ് രണ്ടിന് ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, കോഴിക്കോട്, വയനാട്, കണ്ണൂർ എന്നീ ജില്ലകളിൽ ശക്തമായ മഴയ്ക്ക് സാധ്യതയുണ്ട്. മേയ് മൂന്നിന് കൊല്ലം, പത്തനംതിട്ട, ആലപ്പുഴ ജില്ലകളിലും, മേയ് നാലിന് ഇടുക്കി, പാലക്കാട്, മലപ്പുറം ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്.

  പശ്ചിമേഷ്യന്‍ യുദ്ധത്തെ തുടര്‍ന്നുണ്ടായ ഇന്ധന പ്രതിസന്ധിയെ തുടര്‍ന്ന് രാജ്യത്ത് പെട്രോള്‍,ഡീസല്‍ വില കൂട്ടിയേക്കും. വര്‍ധന ഒഴിവാക്കാന്‍ കഴിയില്ലെന്ന് കേന്ദ്ര ധനമന്ത്രാലയത്തിന്‍റെ അവലോകന റിപ്പോര്‍ട്ട്. ക്രൂഡ് ഓയില്‍ ബാരലിന് 100 ഡോളര്‍ കടന്നതോടെയാണ് സ്ഥിതി ഗുരുതരമായത്. സാമ്പത്തിക വളര്‍ച്ച ബാധിക്കുന്ന നിലയാണെന്നും റിപ്പോര്‍ട്ടില്‍ പറയുന്നു. റഷ്യയില്‍ നിന്നാണ് കഴിഞ്ഞ മാസം കൂടുതല്‍ ക്രൂഡ് ഓയില്‍ വാങ്ങിയത്. ദിവസം 16 ലക്ഷം ബാരല്‍ വീതമാണ് ഇറക്കുമതി ചെയ്തത്. ഇറാഖില്‍ നിന്നും കുവൈത്തില്‍ നിന്നും ഇന്ത്യ എണ്ണ വാങ്ങിയില്ല.

  മുളിയാർ : ബോവിക്കാനം അഖിൽ ജനകീയ വായനശാല & ഗ്രന്ഥാലയത്തിൻ്റെ ആഭിമുഖ്യത്തിൽ വായനാ കളരി 2026 ഉദ്ഘാടനം ചെയ്തു .തുടർന്ന് ബലകൃഷ്ണൻ ചെർക്കളയുടെ ലാമിഡാറ എന്ന പുസ്തകത്തെക്കുറിച്ച് ചർച്ച നടത്തി. കെ. എസ്. ടി. എ മുൻ ജില്ല സെക്രട്ടറിയും താലൂക്ക് ലൈബ്രറി കൗൺസിൽ അംഗവുമായ കെ. വി. ഗോവിന്ദൻ പുസ്തകം പരിചയപ്പെടുത്തി സംസാരിച്ചു. കുട്ടിയാനം മുഹമ്മദ് കുഞ്ഞി, രവീന്ദ്രൻ പാടി , ഇ.സി. കണ്ണൻ, കെ.വി. ജനാർദ്ദനൻ, കെ.കെ. കൃഷ്ണൻ, കെ.സൗദാമിനി എന്നിവർ ചർച്ചയിൽ പങ്കെടുത്തു. വായനശാല പ്രസിഡണ്ട് കെ.ദാമോദരൻ അദ്ധ്യക്ഷതവഹിച്ചു. ട്രഷറർ എം.പി. രവീന്ദ്രൻ സ്വാഗതം പറഞ്ഞു.

ന്യൂഡൽഹി :നിയമസഭാ തിരഞ്ഞെടുപ്പിനു പിന്നാലെ എണ്ണ കമ്പനികൾ എൽപിജി സിലിണ്ടർ വില വൻതോതിൽ വർധിപ്പിച്ചു. 19 കിലോ വാണിജ്യ സിലണ്ടറിന് 991 രൂപയാണ് ഒറ്റയടിക്ക് വർധിപ്പിച്ചത് .ഇതോടെ കൊച്ചിയിൽ സിലിണ്ടറിന് 3085 രൂപയും തിരുവനന്തപുരം 3106 രൂപയും കോഴിക്കോട്ട് 3117 .5 രൂപയും ആയി വില ഉയർന്നു. ഗ്യാസ് വിലവർധന ഹോട്ടൽ, റസ്റ്റോറന്റുകൾ, തട്ടുകടകൾ എന്നിവിടങ്ങളിലെല്ലാം ഭക്ഷണവില വർധിക്കാൻ ഇടയാവുമെന്ന് ഉൽക്കണ്ഠയുണ്ട്. അതേസമയം 14.2 കിലോ ഗാർഹിക സിലിണ്ടറിന്റെ വില കൂട്ടിയിട്ടില്ല. പെട്രോൾ ഡീസൽ വില വർധിപ്പിക്കില്ലെന്ന് കേന്ദ്രസർക്കാർ നേരത്തെ പ്രഖ്യാപിച്ചിട്ടുണ്ട്.