trend news 24

കൊല്ലം കൊട്ടിയത്ത് നടക്കുന്ന സിപിഎം ജില്ലാ സമ്മേളനത്തിൽ സര്‍ക്കാരിനും സംസ്ഥാന സെക്രട്ടറി എം.വി.ഗോവിന്ദന്‍ അടക്കമുള്ള നേതാക്കള്‍ക്കും രൂക്ഷവിമര്‍ശനം. ജാഥ നടത്തിയപ്പോൾ പാവപ്പെട്ട  മൈക്ക് ഓപ്പറേറ്റിങ് തൊഴിലാളിയുടെ  മെക്കിട്ടു കയറിയത് ശരിയോയെന്ന് വിമര്‍ശനം. തിരഞ്ഞെടുപ്പുവേളയിൽ എ.കെ.ബാലന്‍റെ 'മരപ്പട്ടി' പ്രയോഗം ഒഴിവാക്കേണ്ടതായിരുന്നു. എംഎല്‍എ ആയ എം.വി.ഗോവിന്ദന് സംസ്ഥാന സെക്രട്ടറിയും വി.ജോയിക്ക് ജില്ലാ സെക്രട്ടറിയുമാകാമെങ്കില്‍ എന്തുകൊണ്ട് പഞ്ചായത്തംഗമായ പ്രവര്‍ത്തകന് ലോക്കല്‍ സെക്രട്ടറി ആകാന്‍ പാടില്ലെന്നും പ്രതിനിധികള്‍ ചോദിച്ചു. കേന്ദ്ര കമ്മിറ്റി അംഗം ഇപി ജയരാജന്‍റേത് കമ്മ്യൂണിസ്റ്റിന് നിരക്കുന്ന രീതിയല്ലെന്നും കഴിഞ്ഞ ലോക്സഭാ തിരഞ്ഞെടുപ്പ് ദിനത്തിലെ ഇപിയുടെ വെളിപ്പെടുത്തൽ മുന്നണിക്ക് തിരിച്ചടിയായെന്നും വിമര്‍ശനമുണ്ടായി. 

  തിരുവനന്തപുരം: സംസ്ഥാനത്ത് അഞ്ചുദിവസം കൂടി ഇടിമിന്നലോടു കൂടിയ മഴയുണ്ടായേക്കുമെന്നു കേന്ദ്ര കാലാവസ്ഥ വകുപ്പു മുന്നറിയിച്ചു. തെക്കുകിഴക്കന്‍ ബംഗാള്‍ ഉള്‍ക്കടലിനു മുകളില്‍ ന്യൂനമര്‍ദ്ദം ശക്തിപ്രാപിച്ചതിനെ തുടര്‍ന്നാണിത്. ന്യൂനമര്‍ദ്ദം തിങ്കളാഴ്ച തെക്കന്‍ ബംഗാള്‍ ഉള്‍ക്കടലിനു മുകളില്‍ തീവ്ര ന്യൂനമര്‍ദ്ദമായി ശക്തിപ്പെടും. രണ്ടു ദിവസത്തിനു ശേഷം തമിഴ്‌നാട്-ശ്രീലങ്ക തീരത്തേക്കു നീങ്ങും. നവംബര്‍ 26,27 തീയതികളില്‍ ഒറ്റപ്പെട്ട ശക്തമായ മഴയുണ്ടായേക്കും. ശബരിമല, പമ്പ, നിലയ്ക്കല്‍ എന്നിവിടങ്ങളിലും ഇടിമിന്നലോടു കൂടിയ ഒറ്റപ്പെട്ട മഴയ്ക്കു സാധ്യതയുണ്ട്.  

മുനമ്പം: കേരള സംസ്ഥാന ബഡ്ജറ്റിൽ മുനമ്പം പാലത്തിനു 10കോടി രൂപ അനുവദിച്ചതോടെ പ്രദേശത്തുകാരുടെ കഴിഞ്ഞ 15വർഷത്തെ പാലം എന്ന ആവശ്യമാണ് യഥാർഥ്യമാകാൻ പോകുന്നത്. മുനമ്പത്തു നിന്ന് പാലം വന്നാൽ വെറും രണ്ടര കിലോമീറ്റർ യാത്ര ചെയ്യേണ്ടിടത്ത് നിലവിൽ 15 കിലോമീറ്റർ യാത്ര ചെയ്യണം ചട്ടംച്ചാലിൽ എത്താൻ. മഹാലക്ഷ്മി പുരം ക്ഷേത്രത്തിൽ എത്തുന്നവർക്കും ഈ പാലം ഗുണം ചെയ്യും. കോളോട്, കല്ലളി, കുട്ട്യാനം അരിയിൽ കുമ്പളംപാറ ബിട്ടിക്കൽ, മഹാലക്ഷ്മി പുരം, തൈര തുടങ്ങിയ പ്രദേശങ്ങളിൽ ഉള്ളവർക്കും പാലം ഗുണം ചെയ്യും.നിലവിൽ ഇവിടെ ഇരു വശത്തേക്കുമുള്ള ഗതാഗത സൗകര്യത്തിന് തൂക്കുപാലമാണ് ഉള്ളത്.