trend news 24

  തിരുവനന്തപുരം: വൈദ്യുതി മേഖലയിൽ അഴിമതിക്ക് നീക്കം നടക്കുന്നതായി പ്രതിപക്ഷ നേതാവ് പിണറായി വിജയൻ. പ്രതിസന്ധിയുടെ മറവിൽ അഴിമതി നടത്താനാണ് സർക്കാർ ശ്രമിക്കുന്നതെന്നും ഹിമാചലിൽ നിന്നുള്ള വൈദ്യുതി വേണ്ടെന്നുവെച്ചത് സ്വകാര്യ മേഖലയിൽ കച്ചവടത്തിന് വഴിയൊരുക്കാനാണെന്നും അ​ദ്ദേഹം പറഞ്ഞു. അഴിമതിക്ക് കൂട്ടുനിൽക്കാത്ത ഉദ്യോഗസ്ഥരെ പുകച്ച് പുറത്തു ചാടിക്കുകയാണെന്നും കരാറുമായി ബന്ധപ്പെട്ട മുഴുവൻ രേഖകളും പുറത്തുവിടണമെന്നും അദ്ദഹം പറഞ്ഞു. ഫേയ്സ്ബുക്ക് പോസ്റ്റിലൂടെയായിരുന്നു പ്രതികരണം.

  തിരുവനന്തപുരം: മദ്യനയത്തില്‍ തീരുമാനമാകുന്നതുവരെ പുതിയ ബാര്‍ ലൈസന്‍സുകള്‍ നല്‍കരുതെന്ന സര്‍ക്കാര്‍ നിര്‍ദേശം ലംഘിച്ച എക്‌സൈസ് ഡെപ്യൂട്ടി കമ്മിഷണര്‍മാരെ സസ്‌പെന്‍ഡ് ചെയ്ത ഉത്തരവ് സ്റ്റേ ചെയ്യാതെ സംസ്ഥാന അഡ്മിനിസ്‌ട്രേറ്റീവ് ട്രൈബ്യൂണല്‍. ഡെപ്യൂട്ടി കമ്മിഷണര്‍മാരായ പി.കെ സതീഷ്, പി.എല്‍ ഷിബു എന്നിവരാണ് സസ്‌പെന്‍ഷന്‍ റദ്ദാക്കണമെന്ന് ആവശ്യപ്പെട്ട് ട്രൈബ്യൂണലിനെ സമീപിച്ചത്. ഉത്തരവ് അടിയന്തരമായി സ്റ്റേ ചെയ്യണമെന്ന് ഇവര്‍ ആവശ്യപ്പെട്ടെങ്കിലും ട്രൈബ്യൂണല്‍ അനുവദിച്ചില്ല.

കോഴിക്കോട്: സംസ്ഥാനത്ത് അപ്രതീക്ഷിതമായ കാലാവസ്ഥ വ്യതിയാനത്തെ തുടര്‍ന്ന് കൊതുകുകള്‍ പെരുകുന്നു. ഇതുമൂലം ഡെങ്കിപ്പനി വലിയ തോതിലാണ് പടര്‍ന്നുപിടിക്കുന്നത്. സാധാരണ ഗതിയില്‍ ഓഗസ്റ്റ് മാസത്തോടെ കുറയാറുള്ള രോഗബാധ, ഇത്തവണ ഇടവിട്ടു പെയ്യുന്ന മഴ മൂലം ഒക്ടോബറിലും തീവ്രമായി തുടരുകയാണ്.

  തിരുവനന്തപുരം: ക്ലിഫ് ഹൗസ് നവീകരണത്തിനായി ഒരു കോടി ഇരുപത്തിമൂന്ന് ലക്ഷം രൂപയുടെ നിർമാണപ്രവർത്തനങ്ങൾ നടത്താൻ ഇറക്കിയ ഉത്തരവ് റദ്ദാക്കി. മുഖ്യമന്ത്രിയുടെ നേരിട്ടുള്ള നിർദേശപ്രകാരമാണ് നടപടി."  l

  തിരുവനന്തപുരം: സംസ്ഥാനത്ത് പുതിയ ബാറുകള്‍ക്ക് ലൈസന്‍സ് അനുവദിച്ച സംഭവത്തില്‍ വിശദീകരണവുമായി എക്‌സൈസ് കമ്മീഷണര്‍ ശ്രീറാം സാംബശിവ റാവു. കഴിഞ്ഞ ജൂണ്‍ മാസത്തില്‍ അനുവദിച്ച ലൈസന്‍സുകള്‍ പൊതുജനങ്ങള്‍ ദിവസേന ഉപയോഗിക്കുന്ന സാധാരണ ബാറുകള്‍ക്കല്ലെന്നും, സര്‍ക്കാര്‍ സ്ഥാപനമായ സിയാലിന്റെ അപേക്ഷ പരിഗണിച്ചാണ് നെടുമ്പാശേരി വിമാനത്താവളത്തിലെ ഡൊമസ്റ്റിക് ലോഞ്ചില്‍ ലൈസന്‍സ് നല്‍കിയതെന്നും സാംബശിവ റാവു വിശദീകരിച്ചു. ഓഗസ്റ്റിലെ സര്‍ക്കാര്‍ മറുപടിക്ക് ശേഷം പുതിയ ലൈസന്‍സുകളൊന്നും അനുവദിച്ചിട്ടില്ലെന്നും അദ്ദേഹം വ്യക്തമാക്കി

ന്യൂഡല്‍ഹി: നിയമസഭാ തിരഞ്ഞെടുപ്പിനൊരുങ്ങുന്ന അഞ്ചു സംസ്ഥാനങ്ങളില്‍ 2.29 കോടി പേര്‍ വോട്ടര്‍പട്ടികയില്‍ നിന്ന് പുറത്തായെന്ന് റിപോര്‍ട്ട്. ഉത്തര്‍പ്രദേശ്, ഉത്തരാഖണ്ഡ്, ഗോവ, പഞ്ചാബ്, മണിപ്പുര്‍ എന്നീ സംസ്ഥാനങ്ങളിലായി 13.24 ശതമാനം വോട്ടര്‍മാര്‍ കുറഞ്ഞു. ആകെ വോട്ടര്‍മാരുടെ എണ്ണം 18.71 കോടിയില്‍നിന്ന് 16.43 കോടിയായി ചുരുങ്ങി. 2.29 കോടിയോളം വോട്ടര്‍മാരാണ് പട്ടികയില്‍നിന്ന് തുടച്ചുമാറ്റപ്പെട്ടത്.

  തിരുവനന്തപുരം: സംസ്ഥാനത്ത് ശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പ്. ഇന്ന് മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലും നവംബര്‍ ആറിന് വെള്ളിയാഴ്ച ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട് ജില്ലകളില്‍ കേന്ദ്ര കാലാവസ്ഥ വകുപ്പ് യെല്ലോ അലേര്‍ട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്‍ത്ഥമാക്കുന്നത്.

തിരുവനന്തപുരം: സംസ്ഥാനത്ത് ഇന്നും നാളെയും ശക്തമായ മഴ തുടരുമെന്ന് കാലാവസ്ഥാ നിരീക്ഷണ വകുപ്പിന്റെ മുന്നറിയിപ്പ്. നവംബര്‍ 02 മുതല്‍ 06 വരെ ഇടിമിന്നലോടുകൂടിയ മഴയ്ക്കും മണിക്കൂറില്‍ 3,040 കിലോമീറ്റര്‍ വേഗതയില്‍ ശക്തമായ കാറ്റിനും സാധ്യതയുണ്ട്. ഏഴ് ജില്ലകളില്‍ ഇന്ന് യെല്ലോ അലേര്‍ട്ട് പ്രഖ്യാപിച്ചിട്ടുണ്ട്. തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് മുന്നറിയിപ്പ്. മറ്റു ജില്ലകളില്‍ അലേര്‍ട്ട് പ്രഖ്യാപിച്ചിട്ടില്ല.

  കാസർകോട്: എൻഡോസൾഫാൻ വിരുദ്ധ സമരത്തിന്റെ ചരിത്രം അടയാളപ്പെടുത്തുന്ന 'വിഷമഴ' എന്ന പുസ്തകം പ്രശസ്ത എഴുത്തുകാരൻ ശിഹാബുദ്ദീൻ പൊയ്ത്തുംകടവ് ഡോ. മൊയ്തീൻ ജാസർ അലിക്ക് നൽകി പ്രകാശനം ചെയ്തു. റിട്ടയേർഡ് ഹെൽത്ത് സൂപ്പർവൈസർ ബി. അഷ്റഫ് രചിച്ച *'വിഷമഴ'*യിൽ ഭരണകൂടം സൃഷ്ടിച്ച ദുരന്തത്തിന്റെ ഭീകരത ആഴത്തിൽ അടയാളപ്പെടുത്തിയിട്ടുണ്ടെന്ന് പ്രകാശനച്ചടങ്ങ് നിർവഹിച്ചുകൊണ്ട് ശിഹാബുദ്ദീൻ പൊയ്ത്തുംകടവ് പറഞ്ഞു. ഒരു സർക്കാർ ഉദ്യോഗസ്ഥന് താൻ പ്രവർത്തിക്കുന്ന വ്യവസ്ഥിതിയോട് കലഹിക്കണമെങ്കിൽ അപാരമായ ധൈര്യവും ദുരിതബാധിതരോടുള്ള ആഴമായ മനുഷ്യത്വ സമീപനവും വേണം. അതിന്റെ നേർസാക്ഷ്യമാണ് ഈ ചരിത്രരേഖയെന്നും അദ്ദേഹം കൂട്ടിച്ചേർത്തു. മുളിയാർ ഗ്രാമപഞ്ചായത്ത് പ്രസിഡന്റ് കെ.ബി. മുഹമ്മദ് കുഞ്ഞി അധ്യക്ഷത വഹിച്ചു. വി.വി. പ്രഭാകരൻ പുസ്തകം പരിചയപ്പെടുത്തി. പുഞ്ചിരി പ്രസിഡന്റ് ബി.സി. കുമാരൻ സ്വാഗതം പറഞ്ഞു. അഷ്റഫലി ചേരങ്കൈ, മാഹിൻ കേളോട്ട്, ഷറീഫ് കൊടവഞ്ചി, മസൂദ് ബോവിക്കാനം, മോഹൻകുമാർ നാരന്തട്ട, നാസർ ചെർക്കളം, കെ.വത്സല,ഹമീദ് കാവിൽ,രചന അബ്ബാസ്, അജയൻ, ഇ.രാധാകൃഷ്ണൻ,അബ്ദുള്ളകുഞ്ഞി ഖന്ന ,കെ.സുരേഷ്കുമാർ,സുനിൽ മളിക്കാൽ, എബി. കുട്ട...

  തിരുവനന്തപുരം: സംസ്ഥാനത്ത് ഐഎഎസ് തലപ്പത്ത് വന്‍ അഴിച്ചുപണി. കെഎസ്ഇബി ചെയര്‍മാന്‍ സ്ഥാനത്ത് നിന്നു എം.ജി രാജമാണിക്യത്തെ മാറ്റി. എന്‍.പ്രശാന്ത് ആയിരിക്കും പുതിയ ചെയര്‍മാന്‍. ആരോഗ്യ വകുപ്പ് പ്രിന്‍സിപ്പല്‍ സെക്രട്ടറി സ്ഥാനത്ത് നിന്നു ഷര്‍മിള മേരി ജോസഫിനെയും മാറ്റി. മുഹമ്മദ് ഹനീഷിനെ ഈ തസ്തികയിലേക്ക് നിയമിച്ചു. കെ.ആര്‍ ജ്യോതിലാലിനെ ആഭ്യന്തര വകുപ്പിലേക്ക് മാറ്റി. മിന്‍ഹാജ് ആലം ധനകാര്യ വകുപ്പ് അഡീഷണല്‍ ചീഫ് സെക്രട്ടറിയാകും.

  ബെംഗളൂരു: കര്‍ണാടകയിലെ ഒളിക്യാമറ വിവാദത്തില്‍ കേന്ദ്രമന്ത്രി എച്ച് ഡി കുമാരസ്വാമിക്ക് കുരുക്ക്. കുമാരസ്വാമിയെയും ചോദ്യം ചെയ്യാനാണ് സിസിബി (സെന്‍ട്രല്‍ ക്രൈം ബ്രാഞ്ച്)നീക്കം. അതേസമയം, ചോദ്യം ചെയ്യലിന് ഹാജരാകാന്‍ ആവശ്യപ്പെട്ട് കുമാരസ്വാമിയുടെ അനുയായിയായ പ്രജ്വല്‍ പ്രസാദിന് നോട്ടിസ് നല്‍കി.

തിരുവനന്തപുരം: സര്‍ക്കാര്‍ അറിയാതെ ബാര്‍ ലൈസന്‍സ് നല്‍കിയ ഉദ്യോഗസ്ഥര്‍ക്കെതിരെ വിജിലന്‍സിന് അന്വേഷണം ഉണ്ടായേക്കും. അതിവേഗം തീരുമാനമെടുത്തതിന് പിന്നില്‍ ബാഹ്യ ഇടപെടല്‍ ഉണ്ടായെന്നാണ് പരിശോധിക്കുക. മൂവാറ്റുപുഴയിലെ ബിയര്‍ പാര്‍ലറിനാണ് സര്‍ക്കാര്‍ അറിയാതെ ലൈസന്‍സ് അനുവദിച്ചത്. ജൂണ്‍ 23നാണ് ലൈസന്‍സിനായി അപേക്ഷ നല്‍കിയത്. തുടര്‍ന്ന് ജൂണ്‍ 24ന് അനുമതി നല്‍കുകയും ചെയ്തു. എറണാകുളത്തെ രണ്ടാമത്തെ ബാറിന് നാല് ദിവസം കൊണ്ടാണ് ലൈസന്‍സ് അനുവദിച്ചത്. 25ന് നല്‍കിയ അപേക്ഷയില്‍ 29ന് അനുമതി നല്‍കുകയായിരുന്നു. സെപ്റ്റംബര്‍ 29നാണ് കോട്ടയത്തുള്ള ബാര്‍ അപേക്ഷ നല്‍കിയത്. ഒക്ടോബര്‍ മൂന്നിന് ലൈസന്‍സ് അനുവദിക്കുകയും ചെയ്തു

തിരുവനന്തപുരം: വേഗതയില്ലാത്തത് മൂലം കേരളത്തിലോടുന്ന ജനശതാബ്ദി ട്രെയിനുകളുടെ സൂപ്പര്‍ഫാസ്റ്റ് പദവി റെയിൽവേ പിന്‍വലിച്ചു. തിരുവനന്തപുരം-കണ്ണൂര്‍, തിരുവനന്തപുരം-കോഴിക്കോട് ജനശതാബ്ദി ട്രെയിനുകളുടെ സൂപ്പര്‍ഫാസ്റ്റ് പദവിയാണ് പിന്‍വലിച്ചത്. തിരുവനന്തപുരം-കണ്ണൂര്‍ ജനശതാബ്ദിയുടെ 16380/79 എന്ന പുതിയ നമ്പറും തിരുവനന്തപുരം-കോഴിക്കോട് ജനശതാബ്ദിയുടെ 16376/75 എന്ന പുതിയ നമ്പറും 2027 ജനുവരി ഒന്നിന് പ്രാബല്യത്തില്‍ വരും.

  കൊച്ചി: ശബരിമല വ്യാജ ഹെല്‍ത്ത് കാര്‍ഡ് തട്ടിപ്പില്‍ കേസെടുക്കാന്‍ പൊലീസിന് ഹൈക്കോടതിയുടെ നിര്‍ദേശം. പത്തനംതിട്ട എസ്പിക്ക് ആണ് ദേവസ്വം ബെഞ്ചിന്റെ നിര്‍ദേശം. ഇതോടെ, സീതത്തോട്ടിലെ അമ്മ ക്ലിനിക്കിനും വ്യാജ കാര്‍ഡുകളില്‍ ഒപ്പിട്ട ഡോക്ടര്‍ക്കുമെതിരെ നടപടിയുണ്ടാകും. നേരത്തെ, ആളുകളെ നേരില്‍ കാണാതെയും പരിശോധിക്കാതെയും പണം വാങ്ങി വ്യാജ ഹെല്‍ത്ത് കാര്‍ഡുകള്‍ നല്‍കിയെന്ന് ആരോഗ്യവകുപ്പ് കണ്ടെത്തിയിരുന്നു. ഇക്കാര്യം സ്‌പെഷ്യല്‍ കമ്മീഷണര്‍ ഹൈക്കോടതിയെ അറിയിക്കുകയായിരുന്നു. ഇതേ തുടര്‍ന്നാണ് കോടതി കേസെടുക്കാന്‍ നിര്‍ദേശം നല്‍കിയത്.