മുസ്ലിം യൂത്ത് ലീഗ് ജില്ലാ സമ്മേളനം: പ്രതിനിധി സമ്മേളന രജിസ്ട്രേഷൻ ആരംഭിച്ചു

കാസർകോട്: സെപ്റ്റംബർ 23, 24, 25 തീയതികളിൽ കാസർകോട് നടക്കുന്ന മുസ്ലിം യൂത്ത് ലീഗ് ജില്ലാ സമ്മേളനത്തിന്റെ പ്രതിനിധി സമ്മേളന രജിസ്ട്രേഷന് തുടക്കമായി. സെപ്റ്റംബർ 23ന് നടക്കുന്ന ജില്ലാ പ്രതിനിധി സമ്മേളനത്തിൽ ജില്ലയിലെ വിവിധ മണ്ഡലം, പഞ്ചായത്ത് കമ്മിറ്റികളിൽ നിന്ന് തെരഞ്ഞെടുക്കപ്പെട്ട 500 പ്രതിനിധികൾ പങ്കെടുക്കും.

പ്രതിനിധി രജിസ്ട്രേഷന്റെ ഉദ്ഘാടനം ജില്ലാ പ്രസിഡണ്ട് അസീസ് കളത്തൂരിന് രജിസ്ട്രേഷൻ നൽകി മുസ്ലിം ലീഗ് ജില്ലാ ട്രഷറർ പി. എം. മുനീർ ഹാജി നിർവഹിച്ചു.

“അനീതിയുടെ കാലത്ത് യുവതയുടെ തിരുത്ത്” എന്ന മുദ്രാവാക്യമുയർത്തിയാണ് മുസ്ലിം യൂത്ത് ലീഗ് ജില്ലാ സമ്മേളനം സംഘടിപ്പിക്കുന്നത്. സമ്മേളനത്തിന്റെ ഭാഗമായി മാധ്യമ രംഗത്തെ പ്രമുഖർ, എഴുത്തുകാർ, രാഷ്ട്രീയ-സാമൂഹിക രംഗത്തെ പ്രമുഖർ എന്നിവർ പ്രതിനിധികളുമായി വിവിധ വിഷയങ്ങളിൽ സംവദിക്കും.

യുവതയുടെ സമകാലിക ഇടപെടലുകൾ, സാമൂഹിക വിഷയങ്ങൾ, മാധ്യമം, രാഷ്ട്രീയം, ജനാധിപത്യം തുടങ്ങിയ വിഷയങ്ങൾ സമ്മേളനത്തിൽ ചർച്ചയാകും. ജില്ലാ സമ്മേളനത്തിന്റെ ഭാഗമായി സെപ്തംബർ 23 ബുധനാഴ്ച ഉച്ചക്ക് 2 മണിക്ക് വൈറ്റ് ഗാർഡ് സംഗമം നടത്തും .

ജില്ല പ്രസിഡൻ്റ് അസീസ് കളത്തൂർ അദ്ധ്യക്ഷത വഹിച്ചു.

വൈറ്റ് ഗാർഡ് ജില്ലാ കോർഡിനേറ്റർ നൂറുദ്ദീൻ ബെളിഞ്ചം സ്വാഗതം പറഞ്ഞു.

സഹീർ ആസിഫ് , എം ബി ഷാനവാസ്, എം എ നജീബ്, ജില്ലാ ക്യാപ്റ്റൻ സി ബി ലത്തീഫ് , ആസിഫലി കന്തൽ, മുസ്സമ്മിൽ നെല്ലിക്കുന്ന് , അനസ് എതിർത്തോട്, ബി കെ മുഹമ്മദ് ഷാ , ശംസീർ മൂലട്ക്ക, ഷാനിഫ് നെല്ലികട്ട, അൻസാഫ് കുന്നിൽ എന്നിവർ സംസാരിച്ചു.