തിരുവനന്തപുരം: സംസ്ഥാനത്തെ ഹയര് സെക്കന്ഡറി പ്രവേശനത്തിനായുള്ള പ്ലസ് വണ് രണ്ടാം അലോട്ട്മെന്റ് നാളെ വൈകിട്ട് പ്രസിദ്ധീകരിക്കും. അലോട്ട്മെന്റ് ലഭിക്കുന്ന വിദ്യാര്ഥികള്ക്ക് തിങ്കളാഴ്ച രാവിലെ 10 മണി മുതല് ചൊവ്വാഴ്ച വൈകിട്ട് അഞ്ചു മണിവരെ ബന്ധപ്പെട്ട സ്കൂളുകളില് പ്രവേശനം നേടാം. ആദ്യ അലോട്ട്മെന്റില് 2,46,638 വിദ്യാര്ഥികള്ക്ക് സീറ്റ് ലഭിച്ചിരുന്നെങ്കിലും 2,20,465 പേര് മാത്രമാണ് പ്രവേശനം നേടിയത്. ഉയര്ന്ന ഓപ്ഷനുകളിലേക്കുള്ള സാധ്യത നിലനിര്ത്താന് 96,721 വിദ്യാര്ഥികള് താല്ക്കാലിക പ്രവേശനമാണ് സ്വീകരിച്ചത്. അതേസമയം, ഫീസ് അടച്ച് സ്ഥിരപ്രവേശനം ഉറപ്പാക്കിയത് 1,23,744 പേരാണ്.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ