കൊല്ലം: ഡോക്ടര് വന്ദനദാസ് കൊലക്കേസില് കോടതി കുറ്റക്കാരന് ആണെന്ന് കണ്ടെത്തിയ പ്രതി സന്ദീപിന്റെ ശിക്ഷാവിധി ഇന്ന്. കൊല്ലം അഡീഷണല് സെഷന്സ് കോടതിയാണ് ശിക്ഷ വിധിക്കുന്നത്. പ്രതിക്ക് പരമാവധി ശിക്ഷ നല്കണം എന്നതാണ് പ്രോസിക്യൂഷന് വാദം. വിധി കേള്ക്കാന് വന്ദനയുടെ മാതാപിതാക്കള് കോടതിയില് എത്തും.
2023 മെയ് 10ന് കൊട്ടാരക്കര താലൂക്ക് ആശുപത്രിയില് വച്ച് ഡോക്ടര് വന്ദന ദാസിനെ കൊലപെടുത്തിയ കേസില് പ്രതി കുടവട്ടൂര് സ്വദേശി സന്ദീപ് കുറ്റക്കാരന് ആണെന്ന് കഴിഞ്ഞ ദിവസം കോടതി കണ്ടെത്തിയിരുന്നു. കൊലപാതകം, വധശ്രമം, സ്ത്രീകള്ക്ക് എതിരെ ഉള്ള അതിക്രമം ഉള്പ്പെടെ പോലീസ് ചുമത്തിയ കുറ്റങ്ങളില് എല്ലാം പ്രതി കുറ്റക്കാരന് എന്നാണ് കോടതിയുടെ കണ്ടെത്തല്. കൊല്ലം അഡീഷണല് സെഷന്സ് കോടതിയില് പ്രോസിക്യൂഷനും പ്രതിഭാഗവും വാദങ്ങള് അവതരിപ്പിക്കും.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ