തിരുവനന്തപുരം: കായംകുളത്തെ എൽഡിഎഫ് സ്ഥാനാർഥി യു.പ്രതിഭയ്ക്കെതിരായ ലീഗ് നേതാവിന്റെ പരാമര്ശത്തില് നടപടിയെടുക്കാന് തെരഞ്ഞെടുപ്പ് കമ്മീഷന് നിര്ദേശം. ഒരു മണിക്ക് മുന്പ് നടപടിയെടുക്കണമെന്ന് ജില്ലാ കലക്ടറോട് ആവശ്യപ്പെട്ടു. മുഖ്യ തെരഞ്ഞെടുപ്പ് ഓഫീസര് രത്തന് യു.ഖേല്ക്കറാണ് നടപടിക്ക് നിര്ദേശം നല്കിയത്.
കായംകുളം യുഡിഎഫ് കണ്വീനര് നടത്തിയ അധിക്ഷേപ പരാമര്ശത്തിനെതിരെ നടപടിയെടുക്കണമെന്ന് ആവശ്യപ്പെട്ട് തെരഞ്ഞെടുപ്പ് കമ്മീഷന് ഇന്നലെ പരാതി നല്കിയിരുന്നു. ജനാധിപത്യ മഹിളാ അസോസിയേഷനാണ് പരാതി നല്കിയത്. അധിക്ഷേപ പരാമര്ശം നടത്തിയ ഇര്ഷാദിന്റെ നടപടി തെരഞ്ഞെടുപ്പ് പെരുമാറ്റ ലംഘനങ്ങളുടെ ലംഘനമാണെന്നും ഇതിനെതിരെ നടപടിയെടുക്കണമെന്നും ആവശ്യപ്പെട്ടായിരുന്നു പരാതി.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ