തളങ്കര റേഞ്ച് മുസാബഖയിൽ നജാത്തിന് തിളക്കമാർന്ന നേട്ടം ജൂനിയർ, സീനിയർ ഓവറോൾ ചാമ്പ്യൻഷിപ്പുകൾക്കൊപ്പം കലാപ്രതിഭാ പട്ടങ്ങളും സ്വന്തമാക്കി
തളങ്കര: തളങ്കര റേഞ്ച് മുസാബഖ മത്സരങ്ങളിൽ മികച്ച പ്രകടനം കാഴ്ചവെച്ച് നജാത്ത് ഖുർആൻ അക്കാദമി. വിവിധ ഇനങ്ങളിൽ ഒന്നാം സ്ഥാനങ്ങളും രണ്ടാം സ്ഥാനങ്ങളും കരസ്ഥമാക്കിയ അക്കാദമി, ജൂനിയർ, സീനിയർ വിഭാഗങ്ങളിലെ ഓവറോൾ ചാമ്പ്യൻഷിപ്പുകളും സ്വന്തമാക്കി.
മത്സരങ്ങളിൽ മികവ് തെളിയിച്ച നജാത്ത് വിദ്യാർത്ഥികൾ ജൂനിയർ, സീനിയർ വിഭാഗങ്ങളിലെ കലാപ്രതിഭാ പട്ടങ്ങളും നേടി. മത്സരത്തിൽ ജൂനിയർ, സീനിയർ എന്നീ രണ്ട് വിഭാഗങ്ങളിൽ മാത്രമാണ് അക്കാദമി മത്സരിച്ചത്.
വിവിധ മത്സര ഇനങ്ങളിലെ മികച്ച പ്രകടനത്തിലൂടെ കൈവരിച്ച ഈ ഇരട്ട ഓവറോൾ വിജയവും കലാപ്രതിഭാ പട്ടങ്ങളുടെ നേട്ടവും അക്കാദമിക്ക് വലിയ അഭിമാനമായി മാറി. വിജയത്തിന് പിന്നിൽ പ്രവർത്തിച്ച വിദ്യാർത്ഥികളെയും അധ്യാപകരെയും പരിശീലകരെയും അക്കാദമി മാനേജ്‌മെന്റ് അഭിനന്ദിച്ചു.
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ