തിരുവനന്തപുരം: സംസ്ഥാനത്ത് കഴിഞ്ഞ 24 മണിക്കൂറിനിടെ ഏറ്റവും ഉയര്ന്ന അള്ട്രാവയലറ്റ് (യുവി) സൂചിക രേഖപ്പെടുത്തിയ മൂന്നു സ്ഥലങ്ങളില് ഓറഞ്ച് അലേര്ട്ട് പ്രഖ്യാപിച്ചു. കോന്നി, ചെങ്ങന്നൂര്, മൂന്നാര് എന്നിവിടങ്ങളിലാണ് അതീവ ജാഗ്രത നിര്ദേശം നല്കിയിരിക്കുന്നത്. ജനങ്ങള് ഗൗരവകരമായ മുന്കരുതലുകള് സ്വീകരിക്കണമെന്ന് സംസ്ഥാന ദുരന്തനിവാരണ അതോറിറ്റി അറിയിച്ചു. അതേസമയം, കൊട്ടാരക്കര, ചങ്ങനാശേരി, കളമശേരി, ഒല്ലൂര്, തൃത്താല, പൊന്നാനി, ബേപ്പൂര് എന്നിവിടങ്ങളില് യെല്ലോ അലേര്ട്ടും പ്രഖ്യാപിച്ചിട്ടുണ്ട്.
യുവി സൂചിക ഉയരുന്നത് സൂര്യാതാപം, ത്വക്ക് രോഗങ്ങള്, നേത്രരോഗങ്ങള് എന്നിവയ്ക്ക് കാരണമാകാമെന്ന് അധികൃതര് മുന്നറിയിപ്പ് നല്കി. പ്രത്യേകിച്ച് പകല് പത്തു മണി മുതല് ഉച്ചയ്ക്ക് മൂന്നു മണി വരെയുള്ള സമയത്താണ് ഉയര്ന്ന അള്ട്രാവയലറ്റ് കിരണങ്ങള് രേഖപ്പെടുന്നത്. അതിനാല് ഈ സമയങ്ങളില് നേരിട്ട് വെയിലത്ത് കൂടുതല് സമയം ചെലവഴിക്കുന്നത് ഒഴിവാക്കണം.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ