സംസ്ഥാനത്ത് കൊടും ചൂട് കൂടുന്നു; സ്ഥിതിഗതികള് വിലയിരുത്താന് മുഖ്യമന്ത്രി ഇന്ന് ഉന്നതതല യോഗം വിളിച്ചു
തിരുവനന്തപുരം: സംസ്ഥാനത്ത് ചൂട് അസഹനീയമായി തുടരുന്ന സാഹചര്യത്തില് അതീവ ജാഗ്രതാ നിര്ദ്ദേശം നല്കി ദുരന്തനിവാരണ അതോറിറ്റി. ഇന്ന് ഉഷ്ണതരംഗ മുന്നറിയിപ്പ് നിലവിലില്ലെങ്കിലും താപനില ഉയരാന് സാധ്യതയുള്ളതിനാല് കര്ശന മുന്കരുതലുകള് പാലിക്കണമെന്ന് അധികൃതര് അറിയിച്ചു.
പാലക്കാട് ജില്ലയില് താപനില 40 ഡിഗ്രി സെല്ഷ്യസ് വരെ ഉയര്ന്നേക്കും. മറ്റ് ജില്ലകളിലും സാധാരണയേക്കാള് കൂടുതല് ചൂട് അനുഭവപ്പെടാന് സാധ്യതയുണ്ട്. ലോക്ഡൗണിന് സമാനമായ ജാഗ്രത പകല് സമയങ്ങളില് പാലിക്കണമെന്നാണ് നിര്ദ്ദേശം. അത്യാവശ്യ കാര്യങ്ങള്ക്കല്ലാതെ പുറത്തിറങ്ങുന്നത് ഒഴിവാക്കണം. ചൂടിന് ആശ്വാസമായി മറ്റന്നാള് മുതല് സംസ്ഥാനത്ത് വേനല്മഴ ശക്തമാകാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ