ജനറല് റിസര്വേഷന് ടിക്കറ്റുകള്ക്കും ആദ്യദിനം ആധാര് നിര്ബന്ധം; ഓണ്ലൈന് ബുക്കിങ്ങില് പുതിയ നിയന്ത്രണവുമായി റെയില്വേ
ചെന്നൈ: ഓണ്ലൈന് വഴി മുന്കൂട്ടി ട്രെയിന് ടിക്കറ്റുകള് ബുക്ക് ചെയ്യുന്ന യാത്രക്കാര്ക്ക് ആദ്യദിന ബുക്കിങ്ങിന് ആധാര് വേരിഫിക്കേഷന് നിര്ബന്ധമാക്കി ഇന്ത്യന് റെയില്വേ. തല്ക്കാല് ടിക്കറ്റുകള്ക്ക് ആധാര് നിര്ബന്ധമാക്കിയതിന് പിന്നാലെയാണ് ജനറല് റിസര്വേഷന് ടിക്കറ്റുകള്ക്കും അഡ്വാന്സ് റിസര്വേഷന് ആരംഭിക്കുന്ന ആദ്യദിനത്തില് ഈ നിയമം ബാധകമാകുന്നത്.
അഡ്വാന്സ് റിസര്വേഷന് കാലയളവ് ആരംഭിക്കുന്ന ദിവസം (60 ദിവസം മുന്പ്) ഐആര്സിടിസി പോര്ട്ടല് വഴി ടിക്കറ്റ് ബുക്ക് ചെയ്യുന്നവര്ക്കാണ് പുതിയ നിയന്ത്രണം ബാധകമാകുന്നത്. പുതിയ സംവിധാനം ഘട്ടംഘട്ടമായാണ് നടപ്പിലാക്കുന്നത്. ഡിസംബര് 29 മുതല് രാവിലെ 8 മണി മുതല് ഉച്ചയ്ക്ക് 12 മണി വരെ ടിക്കറ്റ് ബുക്ക് ചെയ്യാന് ആധാര് വെരിഫിക്കേഷന് നിര്ബന്ധമാവും. ജനുവരി 5 മുതല് ഈ സമയം രാവിലെ 8 മുതല് വൈകിട്ട് 4 മണിവരെയും, ജനുവരി 12 മുതല് അഡ്വാന്സ് ബുക്കിങ് ആരംഭിക്കുന്ന ദിവസം മുഴുവന് സമയവും (രാവിലെ 8 മുതല് അര്ധരാത്രി വരെ) ആധാര് സ്ഥിരീകരണം പൂര്ത്തിയാക്കിയവര്ക്ക് മാത്രമേ ടിക്കറ്റ് ലഭിക്കൂ.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ