ബോവിക്കാനം ഇരുട്ടിൽ ഹൈമാക്സ് ലൈറ്റ് അടക്കം എല്ലാ വിളക്കുകളും കണ്ണ് ചിമ്മി, ഉടൻ നന്നാക്കണമെന്ന് മൂളിയാർ പീപ്പിൾസ് ഫോറം..

മുളിയാർ: ബോവിക്കാനം പത്ത് ദിവസത്തോളമായി ബോവിക്കാനം ടൗൺ ഇരുട്ടിലാണ്. കടകൾ അടച്ചുകഴിഞ്ഞാൽ പിന്നെ ബോവിക്കാനം ഇരുട്ടിൽ തപ്പി നടക്കേണ്ട അവസ്ഥയിലാണ്. ഇതുവരെ അധികൃതരുടെ ശ്രദ്ധ പതിഞ്ഞിട്ടില്ല. മഴക്കാലമായത് കൊണ്ട് കള്ളന്മാരുടെ ശല്ല്യവും പരിസരപ്രദേശങ്ങളിൽ വ്യാപകമാണ്. തെരുവ് വിളക്ക് അണഞ്ഞതോട്കൂടി സാമൂഹ്യ വിരുദ്ധപ്രവർത്തകരും തെരുവ് നായകളും വിലശുകയാണ്. ബോവിക്കാനത്തിന്റെ പരിസരപ്രദേശങ്ങളിൽ രാത്രി കാലങ്ങളിൽ പുലിയെ പലരും കണ്ടെന്ന വാർത്ത ജനങ്ങളിൽ ഭീതി പടർന്നിട്ടുണ്ട്. ഇത്തരം സാഹചര്യങ്ങളിൽ തെരുവ് വിളക്ക് കത്തേണ്ടത് വളരെ അത്യാവശ്യമാണ്. ഹൈമാക്സ് അടക്കമുള്ള ലൈറ്റുകൾ എത്രയും പെട്ടന്ന് നന്നാക്കി പ്രവർത്തിപ്പിക്കണമെന്ന് ആവശ്യപ്പെട്ട് മൂളിയർ പീപ്പിൾസ് ഫോറം പ്രസിണ്ടൻറ് ബി അഷ്റഫ് ജനറൽ സെക്രട്ടറി മസൂദ് ബോവിക്കാനം എന്നിവർ അധികൃതർക്ക് പരാതി നൽകി