തിരുവനന്തപുരം: സംസ്ഥാനത്ത് ഉയര്ന്ന താപനില മുന്നറിയിപ്പ്. ഇന്നലെ സംസ്ഥാനത്ത് രേഖപ്പെടുത്തിയ ഉയര്ന്ന താപനില 36.2 ഡിഗ്രി സെല്ഷ്യസാണ്. സാധാരണയിലും നാല് ഡിഗ്രി സെല്ഷ്യസ് വരെ അധികമാണ് നിലവിലെ താപനില. ചൂടിനിടെയുള്ള പവര്കട്ടും പൊതുജനങ്ങളെ വലയ്ക്കുകയാണ്. വൈദ്യുതി പ്രതിസന്ധി രൂക്ഷമായതോടെ ഇന്നലെ മിക്കയിടത്തും ഒരു മണിക്കൂര് വരെ നിയന്ത്രണം ഏര്പ്പെടുത്തിയിരുന്നു. ഇന്നലെ പലയിടത്തും രണ്ട് തവണയാണ് രാത്രി വൈദ്യുതി വിച്ഛേദിക്കപ്പെട്ടത്. വൈദ്യുതി പ്രതിസന്ധി രൂക്ഷമായി തുടരുന്ന സാഹചര്യത്തില് നിയന്ത്രണം കൂടിയേ തീരൂ എന്ന വിലയിരുത്തലിലാണ് കെഎസ്ഇബി.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ