കാഠ്മണ്ഡു: നേപ്പാളില് വെള്ളപ്പൊക്കത്തില് മരിച്ചവരുടെ എണ്ണം വീണ്ടും ഉയര്ന്നു. നേപ്പാള് പോലിസിന്റെ കണക്കനുസരിച്ച് ഇതുവരെ 1,344 പേര്ക്ക് ജീവന് നഷ്ടപ്പെട്ടു. ടിബറ്റിലും മുപ്പത്തിയൊന്ന് പേര് മരിച്ചു. നിലവില് 5,600ലധികം പേരെ കാണാനില്ലെന്നാണ് വിവരം.
കഴിഞ്ഞ ദിവസം പുറത്തുവിട്ട പ്രാഥമിക സര്ക്കാര് റിപോര്ട്ട് പ്രകാരം, 32,933 പേരെയാണ് പ്രളയം ബാധിച്ചത്. റോഡുകള്, പാലങ്ങള്, സ്കൂളുകള്, ആരോഗ്യകേന്ദ്രങ്ങള് തുടങ്ങിയ അടിസ്ഥാന സൗകര്യങ്ങള്ക്കും വ്യാപക നാശനഷ്ടമുണ്ടായി. നാല് ആരോഗ്യകേന്ദ്രങ്ങള് പൂര്ണമായും മൂന്ന് ആരോഗ്യകേന്ദ്രങ്ങള് ഭാഗികമായും തകര്ന്നു. ഏകദേശം 55 കിലോമീറ്റര് റോഡുകളും 37 വാഹനഗതാഗത പാലങ്ങളും 68 തൂക്കുപാലങ്ങളും പൂര്ണമായും തകര്ന്നതായി ദേശീയ ദുരന്ത നിവാരണ അതോറിറ്റി അറിയിച്ചു. നിലവില് നാശനഷ്ടത്തിന്റെ ഔദ്യോഗിക കണക്ക് പൂര്ത്തിയായിട്ടില്ല.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ