കര്‍ണാടക സുള്ള്യയിലെ ഗുരുംപിയില്‍ കുന്നിടിഞ്ഞ് വീണ് മൂന്ന് പേര്‍ മരിച്ചു

ദക്ഷിണ കന്നഡയിലെ സുള്ള്യയിൽ മണ്ണിടിച്ചിലൊഴിവാക്കുവാന്‍ സംരക്ഷണഭിത്തിയൊരുക്കുന്ന ജോലി നടന്ന് വരുന്നതിനിടെയാണ് അപകമുണ്ടായത്. ജോലിക്കെത്തിയ ഗദഗ് ജില്ലയിലെ മൂന്ന് തൊഴിലാളികാളാണ് മരിച്ചത്.ശനിയാഴ്ച ഉച്ചയോടെ സുള്യ ആലെട്ടി റോഡിലെ ഗുരുമ്പിലാണ് സംഭവം. സ്വകാര്യ വ്യക്തിയുടെ പറമ്പിൽ കുന്നിനോട് ചേർന്ന് സംരക്ഷണഭിത്തി നിർമിക്കുന്നതിനിടയിൽ കുന്നിടിഞ്ഞാണ് അപകടമുണ്ടായത്. മുണ്ടരഗി സ്വദേശികളായ സോമശേഖര റെഡ്ഡി ,ഭാര്യ ശാന്ത, മറ്റൊരു തൊഴിലാളിയുമാണ് മരിച്ചത്. 7 പേരാണ് സംഭവസ്ഥലത്ത്ഉണ്ടായിരുന്നത്. മൂന്നുപേർ മണ്ണിനടിയിൽ പെടുകയായിരുന്നു. ഒന്നരമണിക്കൂറിലേ നീണ്ട പരിശ്രമത്തിനൊടുവിൽ ജെസിബി ഉപയോഗിച്ചാണ് മണ്ണിനടിയിൽ കുടുങ്ങിയ തൊഴിലാളികളെ പുറത്തെടുത്തത്. സംഭവമറിഞ്ഞ് മന്ത്രി എസ്.അങ്കര, തഹസിൽദാർ മഞ്ജുനാഥ്, ടി.പി.ഇ.ഒ. ഭവാനി ശങ്കർ, നഗർ പഞ്ചായത്ത് പ്രസിഡന്റ് വിനയ്കുമാർ കണ്ടഡ്ക ഉൾപ്പെടെയുള്ള ഉദ്യോഗസ്ഥർ , ചീഫ് ഓഫീസർ സുധാകർ, സുള്ള്യ പോലീസ്, അഗ്നിശമന സേനാ ഉദ്യോഗസ്ഥർ എന്നിവർ സ്ഥലത്തെത്തി.