മലപ്പുറം: സമാനമനസ്ക്കരായ മുഴുവൻ മത-രാഷ്ട്രീയ-സാമൂഹിക-സാംസ്കാരിക സംഘടനാ നേതാക്കളെയും പ്രവർത്തകരെയും സംഘടിപ്പിച്ചുകൊണ്ട് സർക്കാരിന്റെ വികലമായ മദ്യനയം തിരുത്തണം എന്നാവശ്യപ്പെട്ടുകൊണ്ട് വിശാല ഐക്യം രൂപീകരിക്കാൻ ലഹരി നിർമാർജന സമിതി സംസ്ഥാന കമ്മിറ്റി തീരുമാനിച്ചു. നാട് ലഹരിക്കടിമപ്പെട്ട് വിറങ്ങലിച്ചു നിൽക്കുമ്പോൾ വീര്യം കുറഞ്ഞ ലഹരി പദാർത്ഥങ്ങൾ സർക്കാർ ചിലവിൽ തന്നെ നിർമ്മിച്ചു കൊണ്ട് യുവതലമുറയെ ലഹരിയിലേക്ക് ആകർഷിപ്പിക്കാനുള്ള സർക്കാരിന്റെ ഗൂഢനീക്കം തടയാൻ ഏതറ്റംവരെയും പോകാൻ നാടിന്റെ നന്മ ആഗ്രഹിക്കുന്ന മുഴുവൻ ആളുകളും ഒന്നിക്കണമെന്നും സമിതി ആവശ്യപ്പെട്ടു. സംസ്ഥാന വർക്കിങ് പ്രസിഡണ്ട് പി എം കെ കാഞ്ഞിയൂർ അധ്യക്ഷത വഹിച്ചു. ജനറൽ സെക്രെട്ടറി ഒ കെ കുഞ്ഞിക്കോമു മാസ്റ്റർ ഉദ്ഘാടനം നിർവ്വഹിച്ചു. സി എം യൂസഫ്. പി പി എ അസീസ്, എ എം അബൂബക്കർ, ഷാജു തോപ്പിൽ, അഷ്റഫ് കോടിയിൽ, പി പി അലവിക്കുട്ടി, ജമാൽ കൂടല്ലൂർ സംസാരിച്ചു.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ