കഴിഞ്ഞ വ്യാഴാഴ്ച രാത്രി എട്ടിന് ശ്രദ്ധയുടെ വീട്ടിലെത്തിയ ലാല പാഗി, പൊടുന്നനെ ഭാര്യ ശ്രദ്ധയെ കടന്നുപിടിക്കുകയായിരുന്നു. ഭാര്യയെ നെഞ്ചോട് ചേര്‍ത്ത് ശക്തമായി ആലിംഗനം ചെയ്തതോടെ സ്ഫോടകവസ്തു പൊട്ടിത്തെറിച്ച്‌ നിമിഷങ്ങള്‍ക്കുള്ളില്‍ ഇരുവരും മരിച്ചെന്നു പൊലീസ് പറഞ്ഞു. ഒന്നര മാസമായി ലാല പാഗിയില്‍നിന്ന് വേര്‍പിരിഞ്ഞ് കഴിയുകയായിരുന്നു ഭാര്യ. ഒരുമിച്ച്‌ ജീവിക്കാന്‍ തയാറല്ലെന്ന് ശ്രദ്ധ നിലപാട് എടുത്തതോടെ കൊല്ലാന്‍ തീരുമാനിക്കുകയായിരുന്നുവെന്നു പൊലീസ് പറയുന്നു. മീന്‍പിടിക്കാനായി ഉപയോഗിക്കുന്ന ജലറ്റിന്‍ സ്റ്റിക്കാണ് പാഗി ശരീരത്തില്‍ കെട്ടിവച്ചത്. മീന്‍പിടിത്തക്കാരുടെ പക്കല്‍നിന്നും വാങ്ങിയശേഷം ഇതിന്റെ ഉപയോഗത്തെക്കുറിച്ച്‌ മനസ്സിലാക്കുകയായിരുന്നു. ഇവര്‍ക്ക് 21 വയസ്സുള്ള മകനുണ്ട്. മത്സ്യം പിടിക്കാന്‍ ഇത്തരം സ്ഫോടകവസ്തുക്കള്‍ ഉപയോഗിക്കുന്നുണ്ടെന്ന് ഗാന്ധിനഗര്‍ റേഞ്ച് ഐജിപി അഭയ് ചുദാസമ പറഞ്ഞു. സംഭവത്തില്‍ പൊലീസ് അന്വേഷണം തുടങ്ങി.
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ