ദുബായ്: അമേരിക്കയിലെ ചികിത്സയ്ക്കു ശേഷം മുഖ്യമന്ത്രി പിണറായി വിജയന് ഇന്നു രാവിലെ ദുബായിലെത്തി.
ഫെബ്രുവരി നാലിനു ദുബായ് എക്സ്പോയിലെ കേരള പവിലിയന് ഉദ്ഘാടനം ചെയ്യും. അഞ്ചിനു രാവിലെ യുഎഇയിലെ വ്യവസായ പ്രമുഖര് പങ്കെടുക്കുന്ന പരിപാടിയുടെ ഉദ്ഘാടനവും വൈകിട്ട് നോര്ക്ക സമ്മേളനത്തിന്റെ ഉദ്ഘാടനവും നിര്വഹിക്കും. ഏഴിനു തിരുവനന്തപുരത്തെത്തുമെന്നു പ്രതീക്ഷിക്കുന്നു. മുഖ്യമന്ത്രി നാട്ടില് ഇന്ന് മടങ്ങിയെത്തുമെന്നായിരുന്നു നേരത്തെ അറിയിച്ചിരുന്നത്.
ചികിത്സയ്ക്ക് ശേഷം നാട്ടിലേക്കുള്ള മടങ്ങാനുള്ള യാത്രയില് മാറ്റം വരുത്തിയാണ് പിണറായി വിജയന് ദുബായിയിലെത്തിയത്. രണ്ടാം പിണറായി സര്ക്കാര് അധികാരമേറ്റതിനുശേഷം ആദ്യമായി യുഎഇയില് എത്തുന്ന മുഖ്യമന്ത്രി ഒരാഴ്ച ദുബായിലുണ്ടാവും. ആദ്യത്തെ രണ്ട് ദിവസം പൂര്ണ വിശ്രമമാണ് നിര്ദേശിച്ചിരിക്കുന്നത്.
പിന്നീട് വിവിധ എമിറേറ്റുകള് സന്ദര്ശിക്കുന്ന പിണറായി വിജയന് യുഎഇയിലെ മന്ത്രിമാരും വ്യവസായ പ്രമുഖന്മാരുമായും കൂടിക്കാഴ്ച നടത്തും. നിക്ഷേപകരെ കേരളത്തിലേക്ക് സ്വാഗതം ചെയ്യുന്നതോടൊപ്പം വ്യവസായ മേഖലയിലെ നിയമ പരിഷ്കരണങ്ങള്, ഡിജിറ്റല് വല്ക്കരണം, നടപടിക്രമങ്ങളിലെ ലളിതവല്ക്കരണമെല്ലാം ബോധ്യപ്പെടുത്തും.
എക്സപോയില് ആറുദിവസമാണ് കേരളത്തിന്റെ നേട്ടങ്ങള് പ്രദര്ശിപ്പിക്കാന് അനുമതി ലഭിച്ചിട്ടുള്ളത്. ചെറുകിട-ഇടത്തരം വ്യവസായങ്ങള്ക്ക് ഏറ്റവും യോജിച്ച സംസ്ഥാനമായി കേരളത്തെ ഉയര്ത്തിക്കാട്ടാനായിരിക്കും അവസരം വിനിയോഗിക്കുക. രാജ്യാന്തര വ്യവസായികളെ ഉള്പ്പെടുത്തി അടുത്തമാസം അഞ്ച് ആറ് തിയതികളില് രണ്ടു നിക്ഷേപക സംഗമങ്ങളും മുഖ്യമന്ത്രിയുടെ നേതൃത്വത്തില് ദുബായില് നടത്തും.
അറബ്, രാജ്യാന്തര വ്യവസായികളെ ഉള്പ്പെടുത്തിയും മലയാളി വ്യവസായികളെ ഉള്പ്പെടുത്തിയമായിരിക്കും സമ്മേളനങ്ങള്. ഇതുമായി ബന്ധപ്പെട്ട ചര്ച്ചകള്ക്ക് KSIDC എംഡി രാജമാണിക്യം കഴിഞ്ഞദിവസം ദുബായിലെത്തിയിരുന്നു. മുഖ്യമന്ത്രിയെ കൂടാതെ വ്യവസായ മന്ത്രി പി രാജീവ്, രാജ്യ സഭാഗം ജോണ് ബ്രിട്ടാസ് തുടങ്ങിയവര് ചര്ച്ചകളില് പങ്കെടുക്കും. അഞ്ചാം തിയതി ദുബായ് അല് നാസര് ലെഷര്ലാന്റില് മലയാളി സമൂഹവുമായി മുഖ്യമന്ത്രിയുടെ സംവാദ പരിപാടിക്കുള്ള ഒരുക്കങ്ങള് നടക്കുന്നുണ്ടെങ്കിലും കോവിഡ് സാഹചര്യത്തില് സര്ക്കാര് അനുമതിക്ക് കാത്തിരിക്കുകയാണ് സംഘാടകര്.
- ലിങ്ക് സ്വന്തമാക്കുക
- X
- ഇമെയില്
- മറ്റ് ആപ്പുകൾ
- ലിങ്ക് സ്വന്തമാക്കുക
- X
- ഇമെയില്
- മറ്റ് ആപ്പുകൾ
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ