പാര്ലമെന്റില് മാപ്പ് പറഞ്ഞാല് സസ്പെന്ഷന് നടപടി പുനഃപരിശോധിക്കാമെന്ന രാജ്യസഭാ അധ്യക്ഷന്റെ നിലപാട് തള്ളി എംപിമാര്.മാപ്പ് പറയാന് ഞങ്ങള് സവര്ക്കറല്ലെന്ന് ബിനോയ് വിശ്വം വ്യക്തമാക്കി.
“വൈരാഗ്യബുദ്ധിയോടെയാണ് സര്ക്കാര് പെരുമാറുന്നത്. ഇന്ത്യയില് നരേന്ദ്ര മോദി മാര്ഷല് ഭരണം പ്രഖ്യാപിച്ചിരിക്കുകയാണ്. ഇതിനെ നിയമപരമായി നേരിടും .” അദ്ദേഹം വ്യക്തമാക്കി.
അതെ സമയം സസ്പെന്ഡ് ചെയ്യപ്പെട്ട എംപിമാര് നാളെ ഗാന്ധി പ്രതിമക്ക് മുന്നില് ധര്ണനടത്തുമെന്ന് എളമരം കരീം പറഞ്ഞു. രാവിലെ 10 മുതലാണ് ധര്ണ. സഭ ബഹിഷ്കരിക്കില്ലെന്നും അദ്ദേഹം പറഞ്ഞു. ഞങ്ങളുടെ ഭാഗം കേള്ക്കാതെയാണ് നടപടിയെടുത്തത്. രാഷ്ട്രീയ പകപോക്കലാണിത്. ഒരിക്കലും മാപ്പ് പറയില്ല, മാപ്പ് പറയേണ്ട കാര്യം ചെയ്തിട്ടില്ലെന്നും അദ്ദേഹം ചൂണ്ടിക്കാട്ടി.
ആഗസ്റ്റ് ഒന്നിലെ ബുള്ളറ്റിനില് പ്രതിഷേധിച്ചവരുടെ പേരുകളുണ്ട്. അതില് എളമരം കരീമിന്റെ പേരില്ല. പിന്നെ എങ്ങനെയാണ് നടപടിയെടുത്തതെന്നും ജോണ് ബ്രിട്ടാസ് ചോദിച്ചു.
മാപ്പ് പറയില്ലെന്നും എം പിമാരുടെ പേര് പോലും പറയാതെയാണ് സസ്പെന്ഷന് നടപടിയെന്നും പ്രതിപക്ഷം ആരോപിച്ചു . അതേസമയം, കഴിഞ്ഞ സമ്മേളന കാലത്ത് ഉണ്ടായ സംഭവത്തിന്റെ പേരില് ഈ സമ്മേളനകാലത്ത് ശിക്ഷ നടപടിയെടുക്കാന് കഴിയില്ലെന്ന് ലോക്സഭ സെക്രട്ടറി ജനറലായിരുന്ന പി.ഡി.ടി ആചാരി പ്രതികരിച്ചു. സഭയുടെ വര്ഷകാല സമ്മേളനത്തിന്റെ അവസാന ദിവസമായ ആഗസ്റ്റ് 11ന് സഭയില് മോശം പെരുമാറ്റം നടത്തിയെന്ന് ആരോപിച്ചാണ് കഴിഞ്ഞ ദിവസം ചേര്ന്ന സഭ എംപിമാരെ സസ്പെന്റ് ചെയ്തത്.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ