സംസ്ഥാനത്തെ വിവിധ ജില്ലകളിലായി 1,53,221 പേര് ഇപ്പോള് നിരീക്ഷണത്തിലുണ്ട്. ഇവരില് 1,48,515 പേര് വീടുകളിലും 4706 പേര് ആശുപത്രികളിലും നിരീക്ഷണത്തിലാണ്. 282 പേരെ പുതുതായി ആശുപത്രിയില് പ്രവേശിപ്പിച്ചു. നിലവില് 43,663 കൊവിഡ് കേസുകളില്, 7.7 ശതമാനം വ്യക്തികള് മാത്രമാണ് ആശുപത്രികളില് പ്രവേശിപ്പിക്കപ്പെട്ടിട്ടുള്ളത്.
കഴിഞ്ഞ ദിവസങ്ങളിലുണ്ടായ 19 മരണങ്ങള് കൊവിഡ് മൂലമാണെന്ന് സ്ഥിരീകരിച്ചു. ഇതിനു പുറമേ സുപ്രീംകോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 158 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 40,132 ആയി. ഇന്ന് രോഗം സ്ഥിരീകരിച്ചവരില് 12 പേര് സംസ്ഥാനത്തിന് പുറത്ത് നിന്നും വന്നവരാണ്. 4393 പേര്ക്ക് സമ്ബര്ക്കത്തിലൂടെ രോഗം ബാധിച്ചു. 292 പേരുടെ സമ്ബര്ക്ക ഉറവിടം വ്യക്തമല്ല. 26 ആരോഗ്യ പ്രവര്ത്തകര്ക്കും രോഗം ബാധിച്ചു.
രോഗം സ്ഥിരീകരിച്ച് ചികിത്സയിലായിരുന്ന 5370 പേര് രോഗമുക്തി നേടി. തിരുവനന്തപുരം 696, കൊല്ലം 358, പത്തനംതിട്ട 472, ആലപ്പുഴ 243, കോട്ടയം 385, ഇടുക്കി 242, എറണാകുളം 813, തൃശൂര് 656, പാലക്കാട് 264, മലപ്പുറം 191, കോഴിക്കോട് 427, വയനാട് 201, കണ്ണൂര് 361, കാസര്ഗോഡ് 61 എന്നിങ്ങനേയാണ് രോഗമുക്തിയായത്. ഇതോടെ 43,663 പേര് രോഗം സ്ഥിരീകരിച്ച് ഇനി ചികിത്സയിലുണ്ട്. 50,57,368 പേര് ഇതുവരെ കൊവിഡില് നിന്നും മുക്തി നേടി.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ