പ്രവാചക കാരുണ്യത്തിന്റെ സന്ദേശം പകർന്ന് മുനമ്പം ഹിദായത്തുൽ ഇസ്ലാം മദ്റസ 'മിഫ്താഹുൽ മീലാദ്' ലോഗോ പ്രകാശനം ചെയ്തു

 

​ചട്ടഞ്ചാൽ: അന്ത്യപ്രവാചകൻ മുഹമ്മദ് നബി (സ) യോടുള്ള സ്നേഹാദരവുകൾ പ്രകടിപ്പിക്കുന്നതിന്റെ ഭാഗമായി മുനമ്പം ഹിദായത്തുൽ ഇസ്ലാം മദ്റസയുടെ ആഭിമുഖ്യത്തിൽ വിപുലമായി നബിദിനാഘോഷ പരിപാടികൾ സംഘടിപ്പിക്കുവാൻ തീരുമാനിച്ചു. ആഘോഷ പരിപാടികളുടെ ഭാഗമായുള്ള 'മിഫ്താഹുൽ മീലാദ്' എന്ന പ്രത്യേക ലോഗോ പ്രകാശനം മുനമ്പം ജുമാ മസ്ജിദ് പരിസരത്ത് വെച്ച് നടന്ന പ്രൗഢമായ ചടങ്ങിൽ നിർവ്വഹിച്ചു.

​മുനമ്പം ജുമാ മസ്ജിദ് ഖത്തീബ് മുഹമ്മദ് ശഫീഖ് സഅദി ലോഗോ പ്രകാശനം ചെയ്തു. നബിദിനത്തോടനുബന്ധിച്ച് വിവിധ കലാ -സാഹിത്യ മത്സരങ്ങൾ, റാലി, പൊതുസമ്മേളനം എന്നിവ സംഘടിപ്പിക്കാൻ യോഗം തീരുമാനിച്ചു. ചടങ്ങിൽ മുഅദിൻ മുഹമ്മദ് ഇർഷാദ് മദനി, മദ്റസ വർക്കിംഗ് പ്രസിഡണ്ട് ബഷീർ എം എ, ജനറൽ സെക്രട്ടറി അഷ്റഫ് ഹാജി, സെക്രട്ടറി മുനീർ ഫ്ലാഷ്, മൊയ്തീൻ കുഞ്ഞി എം എ ആർ, അബൂബക്കർ സഖാഫി, ഷാഫി എം കെ, ബഷീർ കെ പി, കാദർ എം കെ, അഹമ്മദ് ബാടൽ തുടങ്ങിയവരും മദ്റസ വിദ്യാർത്ഥികളും സംബന്ധിച്ചു.