തിരുവനന്തപുരം: ശബരിമലയിലെ നെയ്യ് ക്രമക്കേടുമായി ബന്ധപ്പെട്ട് ദേവസ്വം വിജിലന്സ് തിരുവിതാംകൂര് ദേവസ്വം ബോര്ഡിന് അന്തിമ അന്വേഷണ റിപോര്ട്ട് സമര്പ്പിച്ചു. മില്മയില് നിന്ന് വാങ്ങിയ നെയ്യ് സന്നിധാനത്ത് എത്തിക്കുന്നതിന് മുന്പ് വഴിമധ്യേ മാറ്റിമറിച്ചുവെന്നും, ഓര്ഡര് ചെയ്ത നെയ്യ് പൂര്ണ്ണമായും എത്തിച്ചിട്ടില്ലെന്നുമാണ് റിപോര്ട്ടിലെ പ്രധാന കണ്ടെത്തല്.
മറ്റ് തമിഴ്നാട് സ്ഥാപനങ്ങള് ഒരു ലിറ്റര് നെയ്യിന് 369 രൂപ ക്വോട്ട് ചെയ്തപ്പോള്, മില്മയില് നിന്നും ലിറ്ററിന് 510 രൂപ നല്കിയാണ് വാങ്ങിയത്. ഇത്തരത്തില് 1.65 ലക്ഷം ലിറ്റര് നെയ്യ് വാങ്ങിയതിലൂടെയാണ് ബോര്ഡിന് കോടികളുടെ നഷ്ടം സംഭവിച്ചത്. ക്രമക്കേടിലൂടെ ദേവസ്വം ബോര്ഡിന് 2.27 കോടി രൂപയുടെ നഷ്ടമുണ്ടായെന്നാണ് വിജിലന്സിന്റെ കണ്ടെത്തല്. ഈ സംഭവത്തില് മുന് ദേവസ്വം ബോര്ഡിന്റെ മുന് പ്രസിഡന്റ് പി എസ് പ്രശാന്ത്, മുന് അംഗം എ അജികുമാര്, മുരാരി ബാബു എന്നിവരെ പ്രതികളാക്കിയിട്ടുണ്ടെങ്കിലും ഇതുവരെ ചോദ്യം ചെയ്തിട്ടില്ല.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ