തിരുവനന്തപുരം: സംസ്ഥാനത്തെ മഴക്കെടുതിയില് ഇതുവരെ 25 പേര് മരിച്ചുവെന്ന് സംസ്ഥാന സര്ക്കാര്. നാല് പേരെ കാണാതാകുകയും പത്ത് പേര്ക്ക് പരിക്കേല്ക്കുകയും ചെയ്തു. അതിശക്തമായ മഴയിലും കാറ്റിലും സംസ്ഥാനത്തുടനീളം 52 വീടുകള് പൂര്ണ്ണമായി തകര്ന്നു. 565 വീട് ഭാഗികമായും തകര്ന്നു. സംസ്ഥാനത്ത് വിവിധ ജില്ലകളിലായി 418 ദുരിതാശ്വാസ ക്യാംപുകളിലായി 18,434 പേരെ പ്രവേശിപ്പിച്ചിട്ടുണ്ട്. ദുരന്തബാധിത മേഖലകളില് നിന്ന് ആളുകളെ സുരക്ഷിത സ്ഥാനങ്ങളിലേക്ക് മാറ്റിപ്പാര്പ്പിച്ചു വരികയാണ്. ഒന്നാം തിയതി മുതല് ഇന്ന് വൈകീട്ട് അഞ്ചു മണിവരെയുള്ള കണക്കാണ് സര്ക്കാര് പുറത്ത് വിട്ടത്.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ