നടിയെ ആക്രമിച്ച കേസ്: ശിക്ഷാവിധി മരവിപ്പിക്കണമെന്ന് ആവശ്യപ്പെട്ടുളള പ്രതികളുടെ അപ്പീല് ഇന്ന് ഹൈക്കോടതിയില്
കൊച്ചി: നടിയെ ആക്രമിച്ച കേസില് ശിക്ഷാവിധി മരവിപ്പിക്കണമെന്ന് ആവശ്യപ്പെട്ടുളള പ്രതികളുടെ അപ്പീല് ഇന്ന് ഹൈക്കോടതിയില്. പള്സര് സുനിയുള്പ്പെടെ ശിക്ഷിക്കപ്പെട്ട ആറ് പ്രതികളുടെ അപ്പീലിലാണ് ഡിവിഷന് ബെഞ്ച് വാദം കേള്ക്കുക. 11 മണിയോടെ അപ്പീല് ഹരജി പരിഗണിക്കും. നടിക്കുവേണ്ടി സുപ്രിംകോടതിയിലെ മുതിര്ന്ന അഭിഭാഷക വൃന്ദ ഗ്രോവര് ഹാജരാകും.
ശിക്ഷാവിധി മരവിപ്പിച്ച് അപ്പീലില് വാദം കേള്ക്കണമെന്നാണ് പ്രതികളുടെ ആവശ്യം. പ്രിന്സിപ്പല് കോടതി വിധിക്കെതിരെ സര്ക്കാരിന്റെ അപ്പീലുമുണ്ട്. നടന് ദിലീപ് അടക്കം മുഴുവന് പ്രതികളെയും ശിക്ഷിക്കണമെന്നും ശിക്ഷ ഉയര്ത്തണമെന്നുമാണ് സര്ക്കാരിന്റെ അപ്പീലിലെ ആവശ്യം. ഈ അപ്പീല് പിന്നീടായിരിക്കും പരിഗണിക്കുക.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ