കൊച്ചി: ഏഴുപേര് മരിക്കാനിടയായ വയനാട് കള്ളാടി മണ്ണിടിച്ചില് ദുരന്തത്തില് അമിക്കസ്ക്യൂറി ഹൈക്കോടതിയില് റിപോര്ട്ട് സമര്പ്പിച്ചു. ദുരന്തവുമായി ബന്ധപ്പെട്ട് ഹൈക്കോടതി ഡിവിഷന് ബെഞ്ച് സ്വമേധയാ എടുത്ത കേസിലാണ് അമിക്കസ്ക്യൂറി റിപോര്ട്ട് നല്കിയത്. സംസ്ഥാന ദുരന്തനിവാരണ അതോറിറ്റി ഉത്തരവാദിത്വത്തില് നിന്ന് ഒഴിഞ്ഞുമാറിയെന്ന് റിപോര്ട്ടില് വിമര്ശനമുണ്ട്. പരിസ്ഥിതി അനുമതിയുള്ള പദ്ധതിയില് ഇടപെടാതെ ഫയല് മടക്കിയെന്നാണ് വിമര്ശനം. ഉദ്യോഗസ്ഥര്ക്കും കരാറുകമ്പനിക്കുമെതിരേ ക്രിമിനല് നടപടിയുള്പ്പെടെ സ്വീകരിക്കണമെന്നാണ് ശുപാര്ശ.
പ്രായപൂർത്തിയാകാത്ത കുട്ടികൾക്ക് നേരെ ലൈംഗികാതിക്രമം; പോക്സോ കേസില് രണ്ടു മദ്രസ അധ്യാപകര് അറസ്റ്റില്
കാസര്കോട്: ചന്തേരയിലും കാസര്കോടുമായി രണ്ടു മദ്രസ അധ്യാപകരെ പോക്സോ കേസുകളില് അറസ്റ്റു ചെയ്തു. പ്രായപൂർത്തിയാകാത്ത പതിനാറുകാരനെ പീഡിപ്പിച്ചതിന് കാസർകോട് മദ്രസാ അധ്യാപകനായ അജ്മല് ഹിമമി സഖാഫി(33)യെ കാസര്കോട് പൊലീസാണ് അറസ്റ്റു ചെയ്തത്. ഇയാള് ജോലി ചെയ്യുന്ന മദ്രസയ്ക്കു സമീപത്തെ താമസ സ്ഥലത്തേയ്ക്ക് പതിനാറുകാരനെ കൂട്ടി കൊണ്ടുപോയി പീഡിപ്പിച്ചുവെന്നാണ് പരാതി. സാമൂഹിക മാധ്യമത്തിലൂടെ പരിചയപ്പെട്ട ഹയര്സെക്കണ്ടറി സ്കൂള് വിദ്യാര്ത്ഥിനിയായ പതിനാറുകാരിയെ താമസിക്കുന്ന മുറിയിലേയ്ക്ക് വിളിച്ചു വരുത്തി പീഡിപ്പിക്കാന് ശ്രമിച്ചതെന്ന പരാതിയിൽ കാഞ്ഞങ്ങാട് സ്വദേശിയും മദ്രസ അധ്യാപകനായ കെ ഉബൈദാണ്(26) അറസ്റ്റിലായത്. ചന്തേര എസ്.ഐ എം.വി.ശ്രീദാസ് ആണ് ഇയാളെ അറസ്റ്റു ചെയ്തത് പെൺകുട്ടി മദ്രസാ അധ്യാപകന്റെ താമസ സ്ഥലത്ത് പോകുന്നത് നാട്ടുകാരുടെ ശ്രദ്ധയില്പ്പെട്ടതോടെ പൊലീസില് പരാതി നല്കുകയായിരുന്നു. പിന്നീട് പൊലീസെത്തി പെണ്കുട്ടിയുടെ മൊഴി രേഖപ്പെടുത്തിയശേഷമാണ് ഉബൈദിനെ അറസ്റ്റു ചെയ്തത്. ഇയാളെ ഹൊസ്ദുര്ഗ്ഗ് കോടതി രണ്ടാഴ്ചത്തേയ്ക്ക് റിമാന്റു ചെയ്തു.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ