തിരുവനന്തപുരം: വിവാദമായ നിയമനത്തട്ടിപ്പ് കേസില് ക്രൈംബ്രാഞ്ച് ആവശ്യപ്പെട്ട രേഖകള് കൈമാറി പിഎസ് സി. വെള്ളിയാഴ്ച വൈകിട്ടാണ് രേഖകള് കൈമാറിയത്. ചോദ്യപേപ്പര്, ഉത്തര സൂചിക, ഉദ്യോഗാര്ത്ഥികളുടെ പട്ടിക, അഭിമുഖത്തിന് വിളിച്ചവര്, ഓണ്സ്ക്രീന് മാര്ക്കിങ്ങിന്റെ വിശദാംശങ്ങള് തുടങ്ങിയ രേഖകളാണ് ക്രൈംബ്രാഞ്ച് ആവശ്യപ്പെട്ടിരുന്നത്.
10 ചോദ്യങ്ങള് മൂല്യനിര്ണ്ണയം നടത്താതെ റാങ്ക് ലിസ്റ്റ് തയ്യാറാക്കിയതും ഇടത് സംഘടനാ നേതാവിന് ഒന്നാം റാങ്ക് കിട്ടിയതുമെല്ലാം വന് വിവാദമായി. നിയമനത്തില് മൂടിവെച്ചതെല്ലാം 7 ദിവസത്തിനുള്ളില് ഉദ്യോഗാര്ത്ഥികള്ക്ക് നല്കാന് വിവരാവകാശ കമ്മീഷന് ഉത്തരവിട്ടത് ഈ മാസം 6ന് ആണ്. പരാതിപ്രളയത്തില് പി എസ് സിയുടെ വിശ്വാസ്യതക്കെതിരെ സംശയങ്ങളുയര്ന്നപ്പോള് ഉദ്യോഗാര്ത്ഥികളുടെ വിശ്വാസവും പ്രതീക്ഷയും കാത്ത് സൂക്ഷിക്കുമെന്ന് കമ്മീഷന് വാര്ത്താകുറിപ്പില് അറിയിച്ചു.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ