ടോക്കിയോ: പശ്ചിമേഷ്യയിലെ സംഘര്ഷം രൂക്ഷമാകുന്നതിനിടെ രാജ്യാന്തര വിപണിയില് ക്രൂഡ് ഓയില് വില വീണ്ടും ഉയര്ന്നു. ഹോര്മുസ് കടലിടുക്കിലൂടെയുള്ള എണ്ണ വിതരണം തടസ്സപ്പെടുമെന്ന ആശങ്കയെ തുടര്ന്ന് തുടര്ച്ചയായ നാലാം ദിവസമാണ് എണ്ണവിലയില് വര്ധന രേഖപ്പെടുത്തുന്നത്. അന്താരാഷ്ട്ര വിപണിയില് ബ്രെന്റ് ക്രൂഡ് വില 0.4 ശതമാനം ഉയര്ന്ന് ബാരലിന് 85.28 ഡോളറിലും, യുഎസ് വെസ്റ്റ് ടെക്സസ് ഇന്റര്മീഡിയറ്റ് (ഡബ്ലിയുടിഐ) 0.5 ശതമാനം വര്ധിച്ച് ബാരലിന് 80.02 ഡോളറിലും എത്തി. ഇരു സൂചികകളും കഴിഞ്ഞ ഒരു മാസത്തിനിടയിലെ ഉയര്ന്ന നിലവാരത്തിലാണ്.
പ്രായപൂർത്തിയാകാത്ത കുട്ടികൾക്ക് നേരെ ലൈംഗികാതിക്രമം; പോക്സോ കേസില് രണ്ടു മദ്രസ അധ്യാപകര് അറസ്റ്റില്
കാസര്കോട്: ചന്തേരയിലും കാസര്കോടുമായി രണ്ടു മദ്രസ അധ്യാപകരെ പോക്സോ കേസുകളില് അറസ്റ്റു ചെയ്തു. പ്രായപൂർത്തിയാകാത്ത പതിനാറുകാരനെ പീഡിപ്പിച്ചതിന് കാസർകോട് മദ്രസാ അധ്യാപകനായ അജ്മല് ഹിമമി സഖാഫി(33)യെ കാസര്കോട് പൊലീസാണ് അറസ്റ്റു ചെയ്തത്. ഇയാള് ജോലി ചെയ്യുന്ന മദ്രസയ്ക്കു സമീപത്തെ താമസ സ്ഥലത്തേയ്ക്ക് പതിനാറുകാരനെ കൂട്ടി കൊണ്ടുപോയി പീഡിപ്പിച്ചുവെന്നാണ് പരാതി. സാമൂഹിക മാധ്യമത്തിലൂടെ പരിചയപ്പെട്ട ഹയര്സെക്കണ്ടറി സ്കൂള് വിദ്യാര്ത്ഥിനിയായ പതിനാറുകാരിയെ താമസിക്കുന്ന മുറിയിലേയ്ക്ക് വിളിച്ചു വരുത്തി പീഡിപ്പിക്കാന് ശ്രമിച്ചതെന്ന പരാതിയിൽ കാഞ്ഞങ്ങാട് സ്വദേശിയും മദ്രസ അധ്യാപകനായ കെ ഉബൈദാണ്(26) അറസ്റ്റിലായത്. ചന്തേര എസ്.ഐ എം.വി.ശ്രീദാസ് ആണ് ഇയാളെ അറസ്റ്റു ചെയ്തത് പെൺകുട്ടി മദ്രസാ അധ്യാപകന്റെ താമസ സ്ഥലത്ത് പോകുന്നത് നാട്ടുകാരുടെ ശ്രദ്ധയില്പ്പെട്ടതോടെ പൊലീസില് പരാതി നല്കുകയായിരുന്നു. പിന്നീട് പൊലീസെത്തി പെണ്കുട്ടിയുടെ മൊഴി രേഖപ്പെടുത്തിയശേഷമാണ് ഉബൈദിനെ അറസ്റ്റു ചെയ്തത്. ഇയാളെ ഹൊസ്ദുര്ഗ്ഗ് കോടതി രണ്ടാഴ്ചത്തേയ്ക്ക് റിമാന്റു ചെയ്തു.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ