കേരളമാപ്പിള കലാ അക്കാദമി സിൽവർ ജൂബിലിയോടനുബന്ധിച്ച് പ്രഖ്യാപിച്ച ടി. ഉബൈദ് സ്മാരക പുരസ്കാരം മുതിർന്ന മാധ്യമപ്രവർത്തകനും എഴുത്തുകാരുമായ
റഹ്മാൻ തായലങ്ങാടിക്ക് സമർപ്പിച്ചു. കാസറ ഗോഡ് ലൈബ്രററി ഹാളിൽ നടന്ന ചടങ്ങിൽ കൊണ്ടോട്ടി മഹാകവി മോയിൻകുട്ടി വൈദ്യർ മാപ്പിള കലാ അക്കാദമി ചെയർമാൻ ഡോ. ഹുസൈൻ രണ്ടത്താണി പുരസ്കാരം സമർ പ്പിച്ചു.10001 രൂപയും ഉപഹാരവും അടങ്ങു ന്നതാണ് പുരസ്കാരം.
നഗരസഭ ചെയർമാൻ അബ്ബാസ് ബീഗം പൊന്നാടയണിയിച്ചു.അഡ്വ ബി എഫ് അബ്ദു റഹ്മാൻ ക്യാഷവാർഡ് കൈമാറി.ചടങ്ങിൽ സംസ്ഥാന ആക്റ്റിംഗ് പ്രസിഡൻ്റ് എ.കെ മുസ്തഫ അധ്യക്ഷനായി.
എ അബ്ദു റഹിമാൻ, എ.എസ് മുഹമ്മദ് കുഞ്ഞി, പി. വി ഹസീബ് റഹ്മാൻ, കബീർ ചെർക്കള,എം.വി സന്തോഷ് കുമാർ,ടി.എ ഷാഫി, മുഹമ്മദലി മാസ്റ്റർ,അഷ്റഫലി ചേരങ്കൈ,മുജീബ് അഹമ്മദ്.എ ബണ്ടിച്ചാൽ,രവീന്ത്രൻ രാവണേശ്വരം,ശരീഫ് കൊടവഞ്ചി,സി എൽ ഹമീദ്, ശാഫി എ നെല്ലിക്കുന്ന്,ശരീഫ് കാപ്പിൽ, എം എ നജീബ്,മൂസാ ബാസിത്,അബ്ദുല്ല കുഞ്ഞി ഉദുമ,ഫാറൂഖ് കാസ്മി,ശമീർ ആമസോൺ, കെ പി എസ് വിദ്യാനഗർ,മൂസാബി ചെർക്കള,അബ്ദുൽ ഖാദർ വിൽറോടി,ശംസുദ്ധീൻ ബ്ലാക്കോട്,ഹമീദ് ബദിയടുക്ക പ്രസംഗിച്ചു
സംസ്ഥാന ജനറൽ സെക്രട്ടറി ആരിഫ് കാപ്പിൽ സ്വാഗതവും ജില്ലാ പ്രസിഡണ്ട് റഊഫ് ബാവിക്കര നന്ദിയും പറഞ്ഞു. അബ്ദുല്ല പടന്ന, സീന കണ്ണൂർ ഗാനങ്ങൾ ആലപിച്ചു. റഹ്മാൻ തായലങ്ങാടി മറുപടി പ്രസംഗം നടത്തി.
ദീർഘ കാലം മാധ്യമപ്രവർത്തന മേഖലയിൽ നിറഞ്ഞു നിന്ന റഹ്മാൻ തായലങ്ങാടി ചന്ദ്രികയുടെ കാസറഗോഡ് ബ്യൂറോ ചീഫ് ആയിട്ടാണ് പത്രപ്രവർത്തന മേഖലയിൽ നിന്ന് വിരമിച്ചത്.മാപ്പിള സാഹിത്യ രംഗത്ത് വ്യക്തിമുദ്ര പതിപ്പിച്ച ഇദ്ദേഹം ഒട്ടേറെ ഗ്രന്ഥങ്ങൾ എഴുതിയിട്ടുണ്ട്. കേരള മാപ്പിള കലാ അക്കാദമി സിൽവർ ജൂബിലി ഭാഗമായി
കഴിഞ്ഞ 27ന് വിവിധ മേഖലയിൽ കഴിവ് തെളിയിച്ച 9 പ്രതിഭകൾക്ക് പുരസ്കാരം നൽകി ആദരിച്ചിരുന്നു. ഇതിൽ മാപ്പിള സാഹിത്യ മേഖലക്ക് നൽകിയ സംഭാവനകളെ മുൻ നിർത്തിയായിരുന്നു റഹ്മാൻ തായലങ്ങാടിയെ ഉബൈദ് സ്മാരക പുരസ്കാരത്തിന് തെരഞ്ഞെടുത്തത്
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ