തിരുവനന്തപുരം: ദേവസ്വം വകുപ്പിന്റെ പ്രത്യേക അഭിഭാഷകനായി നിയമിതനായ ശബരിമല സ്വര്ണക്കൊള്ള കേസിലെ പ്രതിഭാഗം അഭിഭാഷകന് കെ ബി പ്രദീപ് രാജിവെച്ചു. നിയമനം വിവാദമായ സാഹചര്യത്തില് രാജിവെയ്ക്കാന് മുഖ്യമന്ത്രി വി ഡി സതീശന് ആവശ്യപ്പെട്ടിരുന്നു. സ്മാര്ട്ട് ക്രിയേഷന്സ് അഭിഭാഷകനായിരുന്ന കെ ബി പ്രദീപിനെ ദേവസ്വം വകുപ്പിന്റെ പ്രത്യേക അഭിഭാഷകനായി നിയമിച്ചത് വിവാദമായ പശ്ചാത്തലത്തിലാണ് മുഖ്യമന്ത്രിയുടെ ഇടപെടല്. പ്രദീപിന്റെ രാഷ്ട്രീയ പശ്ചാത്തലം പോലും പരിഗണിക്കാതെയാണ് നിയമനമെന്ന വിമര്ശനവും ഉയര്ന്നിരുന്നു. തീരുമാനം മുഖ്യമന്ത്രി വി ഡി സതീശന്റേതാണെന്നും മുഖ്യമന്ത്രിയുടെ വിവേചനാധികാരമാണെന്നും കെ മുരളീധരന് വിഷത്തില് പ്രതികരിച്ചിരുന്നു. താന് വിഷയത്തില് ഇടപെടില്ലെന്ന് നേരത്തെ അറിയിച്ചിരുന്നുവെന്നും കെ മുരളീധരന് പറഞ്ഞിരുന്നു.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ