ചെന്നൈ: തമിഴ്നാട്ടില് നടന് വിജയ് മുഖ്യമന്ത്രിയാകും. സര്ക്കാര് രൂപീകരിക്കാനുള്ള 118 എംഎല്എമാരുടെ പിന്തുണ ലഭിച്ചതോടെയാണ് സര്ക്കാര് രൂപീകരണത്തിന് വഴി തെളിഞ്ഞത്. അവകാശവാദമുന്നയിച്ച് വിജയ് അല്പസമയത്തിനകം ഗവര്ണറെ കാണും. കോണ്ഗ്രസിനൊപ്പം ഇടത് പാര്ട്ടികളും വിസികെയും ടിവികെക്ക് പിന്തുണ നല്കി.
കോണ്ഗ്രസില് നിന്ന് അഞ്ച് എംഎല്എമാരും വിസികെ, സിപിഎം, സിപിഐ പാര്ട്ടികളില് രണ്ട് പേര് വീതവും പിന്തുണ പ്രഖ്യാപിച്ചതോടെയാണ് കേവല ഭൂരിപക്ഷം മറികടന്നത്. 'ടിവികെ പാര്ട്ടി സിപിഐ, സിപിഐ(എം), വിസികെ എന്നിവയെ സമീപിച്ചു. ഞങ്ങളുടെ പാര്ട്ടി യോഗം ചേര്ന്നു. ജനാധിപത്യത്തില് ഉയര്ച്ച താഴ്ചകള് ഉണ്ടാകുന്നത് സാധാരണമാണ്. തമിഴ്നാട്ടിലെ ജനങ്ങള് ടിവികെയെ തിരഞ്ഞെടുത്തു. ജനാധിപത്യപരമായ രീതിയിലാണ് ഞങ്ങള് തീരുമാനമെടുത്തത്.'സിപിഐ(എം)-മായി നടത്തിയ സംയുക്ത വാര്ത്താസമ്മേളനത്തില് സിപിഐ സംസ്ഥാന സെക്രട്ടറി വീരപാണ്ഡ്യന് പറഞ്ഞു.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ