ഇംഫാല്: അക്രമങ്ങള് കനത്തതോടെ മണിപ്പൂരിലെ ഉഖ്റുല് ജില്ലയില് കര്ഫ്യൂ ഏര്പ്പെടുത്തി അധികാരികള്. ആയുധധാരികളായ അക്രമികള് വീടുകള്ക്ക് തീയിടുകയും ഇതുകാരണം ഗ്രാമവാസികള് രാത്രിയോടെ പലായനം ചെയ്യാന് നിര്ബന്ധിതരാകുകയും ചെയ്തതോടെയാണ് സുരക്ഷാ നിയന്ത്രണങ്ങള് ഏര്പ്പെടുത്തിയത്. ജില്ലയില് അഞ്ച് ദിവസത്തേക്ക് കര്ഫ്യൂ ഏര്പ്പെടുത്തുകയും ഇന്റര്നെറ്റ് സേവനങ്ങള് നിര്ത്തിവെക്കുകയും ചെയ്തു.
തിങ്കളാഴ്ച രാത്രി വൈകിയാണ് ജില്ലയില് അക്രമങ്ങള് ആരംഭിച്ചത്. അക്രമികള് ലിത്തന് സരെയ്ഖോങ് ഗ്രാമത്തിലെ വീടുകള്ക്ക് തീയിടുകയും ആകാശത്തേക്ക് വെടിയുതിര്ക്കുകയും ചെയ്തു. ഇതോടെ ഗ്രാമവാസികള് പരിഭ്രാന്തരായി. കൂടുതല് അക്രമങ്ങള് ഉണ്ടാകുമെന്ന് ഭയന്ന് പല ഗ്രാമവാസികളും അയല് ജില്ലയായ കാങ്പോക്പിയിലെ സുരക്ഷിതമായ സ്ഥലങ്ങളിലേക്ക് പലായനം ചെയ്തു."
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ