കോഴിക്കോട്: ഷാഫി പറമ്പിൽ എംപിയെ പൊലീസ് മർദിച്ചതിനെതിരെ കോൺഗ്രസ് നേതൃത്വത്തിൽ വ്യാപകപ്രതിഷേധം. കോഴിക്കോട് ഐജി ഓഫീസിലേക്ക് നടത്തിയ മാർച്ചിൽ പൊലീസും പ്രവർത്തകരും തമ്മിൽ ഉന്തും തള്ളുമുണ്ടായി. ഐജി ഓഫീസിന് മുന്നിൽ സ്ഥാപിച്ചിരുന്ന ബാരിക്കേഡ് മറികടക്കാൻ പ്രവർത്തകർ ശ്രമിച്ചതോടെയാണ് ഉന്തും തള്ളുമുണ്ടായത്. തുടർന്ന്, നടത്തിയ റോഡ് ഉപരോധവും തർക്കത്തിൽ കലാശിച്ചു.
പ്രവർത്തകർ റോഡ് ഉപരോധിച്ചതിന് സമീപത്ത് കൂടെ വാഹനങ്ങൾ കടത്തിവിട്ടതോടെ തർക്കവുമായി പ്രവർത്തകർ രംഗത്തെത്തി. ഡിസിസി പ്രസിഡന്റ് ഉൾപ്പടെയുള്ള നേതാക്കൾ ഇടപെട്ടാണ് പ്രവർത്തകരെ ശാന്തരാക്കിയത്. കാസർകോട് കാഞ്ഞങ്ങാട് പൊലീസ് സ്റ്റേഷനിലേക്ക് മാർച്ച് നടത്തിയ യൂത്ത് കോൺഗ്രസ് പ്രവർത്തകർ റോഡ് ഉപരോധിച്ചു.
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ