എറണാകുളം കിഴക്കമ്ബലത്ത് അതിഥി തൊഴിലാളികള് പരസ്പരം ഏറ്റുമുട്ടുകയും പൊലീസ് ജീപ്പ് കത്തിക്കുകയും ചെയ്ത കേസില് 156 പേരെ അറസ്റ്റ് ചെയ്തു.
ക്രിസ്മസ് കരോള് നടത്തിയത് സംബന്ധിച്ച തര്ക്കമാണ് തൊഴിലാളികള് തമ്മിലുള്ള സംഘര്ഷത്തില് കലാശിച്ചത്. ഇവര് ചേരിതിരിഞ്ഞ് ഏറ്റുമുട്ടുകയായിരുന്നു. രാത്രി 12 മണിയോടെയാണ് സംഭവം. പൊലീസ് കണ്ട്രോള് റൂമില് ലഭിച്ച വിവരമനുസരിച്ച്, തൊഴിലാളികളുടെ ക്യാമ്ബിലുണ്ടായ സംഘര്ഷത്തില് ഇടപെടാനെത്തിയതായിരുന്നു പൊലീസ്. ഇതോടെ തൊഴിലാളികള് പൊലീസിനു നേരെ തിരിഞ്ഞു. കല്ലേറില് കുന്നത്തുനാട് സിഐ വി.ടി ഷാജനുള്പ്പടെ അഞ്ച് പൊലീസുകാര്ക്ക് പരിക്കേറ്റു. ഇവരെ ആശുപത്രിയില് പ്രവേശിപ്പിച്ചു. സ്ഥലത്ത് ഉയര്ന്ന പൊലീസ് ഉദ്യോഗസ്ഥരുടെ നേതൃത്വത്തില് വന് സംഘം ക്യാമ്ബ് ചെയ്യുകയാണ്.
അതേസമയം, സംഭവത്തില് അന്വേഷണം നടക്കുന്നുണ്ടെന്നും ആക്രമണത്തില് മാരകായുധങ്ങള് ഉപയോഗിച്ചോയെന്ന് പരിശോധിക്കുമെന്നും ഡിഐജി നീരജ് ഗുപ്ത അറിയിച്ചു. സംഭവത്തില് രണ്ട് കേസ് രജിസ്റ്റര് ചെയ്തെന്നും എട്ടു പൊലിസുകാര്ക്കാണ് പരിക്കേറ്റതെന്നും റൂറല് എസ്പി കെ കാര്ത്തിക് അറിയിച്ചു. മറ്റു കാര്യങ്ങള് അന്വേഷിച്ചു കൊണ്ടിരിക്കുകയാണെന്നും അദ്ദേഹം പറഞ്ഞു.
രണ്ടു പൊലീസ് വാഹനങ്ങള്ക്കു നേരെയും ആക്രമണം ഉണ്ടായി. ഇതില് ഒരു ജീപ്പ് പൂര്ണമായും കത്തിച്ചു. ജീപ്പിലുണ്ടായിരുന്ന പൊലീസുകാര് ഓടിരക്ഷപ്പെടുകയായിരുന്നു. സ്ഥലത്തെത്തിയ നാട്ടുകാര്ക്കു നേരെയും കല്ലേറുണ്ടായി. തുടര്ന്ന് ആലുവ റൂറല് എസ്.പി കാര്ത്തിക്കിന്റെ നേതൃത്വത്തില് പൊലീസ് സംഘമെത്തി തൊഴിലാളികളുടെ ക്യാമ്ബിനുള്ളില് കയറി പ്രതികളെ അറസ്റ്റ് ചെയ്തു. പുലര്ച്ചെ നാലു മണിയോടെയാണ് ഇവരെ പിടികൂടിയത്. പ്രതികള് മദ്യലഹരിയിലായിരുന്നുവെന്ന് പൊലീസ് പറഞ്ഞു. ഇന്നലെ അക്രമം അഴിച്ചുവിട്ട തൊഴിലാളികള് മുമ്ബും പ്രശ്നമുണ്ടാക്കിയിട്ടുണ്ടെന്നും അന്ന് പൊലീസിനെ അറിയിച്ചപ്പോള് തിരിഞ്ഞുനോക്കിയില്ലെന്നും നാട്ടുകാര് പറയുന്നു.
- ലിങ്ക് സ്വന്തമാക്കുക
- X
- ഇമെയില്
- മറ്റ് ആപ്പുകൾ
- ലിങ്ക് സ്വന്തമാക്കുക
- X
- ഇമെയില്
- മറ്റ് ആപ്പുകൾ
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ